ديماش قۇدايبەرگەن تۇسكەن جاڭا جىلدىق ميۋزيكلدىڭ ترەيلەرى جەلىدە جاريالاندى

None
None
نۇر-سۇلتان. قازاقپارات - تانىمال ءانشى ديماش قۇدايبەرگەن تەلەۆيزيالىق جاڭا جىل ميۋزيكلىندە شىعىس حانزاداسى وبرازىندا شىعادى، دەپ حابارلايدى قازاقپارات.

«مىڭ ءبىر ءتۇن نەمەسە ماحاببات الاڭى» ميۋزيكلى («1001 نوچ، يلي تەرريتوريا ليۋبۆي») رەسەيدىڭ «ن ت ۆ» تەلەارناسىندا 31- جەلتوقساندا كورسەتىلەدى. جاڭا جىل ەرتەگىسىندە ديماشپەن بىرگە ءبىرقاتار رەسەيلىك ونەر جۇلدىزدارى تۇسكەن. تەلەكورەرمەندەر سۇلتان رولىندەگى فيليپپ كيركوروۆتى، جىندى سومدايتىن نيكولاي باسكوۆتى، كەزبە ءانشى - ديما بيلاندى، شاحريزادانى وينايتىن ەكاتەرينا كليموۆانى، سيقىرشى وبرازىنداعى يگور كرۋتويدى كورە الادى.

ايتا كەترلىگى، ديماش قۇدايبەرگەن رەسەيدە «جىلدىڭ ەڭ ۇزدىك ءانشىسى» اتانعان بولاتىن. ال، رۋمىنيادا ونىڭ جانكۇيەرلەرى ءانشىنىڭ كونسەرتىن ۇيىمداستىرعىسى كەلەتىنى ايتىلدى.

سونداي-اق، ديماش قۇدايبەرگەن يتاليالىق فەنتەزي جانرىنداعى فيلمنىڭ ساۋندترەك ءانىن شىرقايدى. تۋىندى 2020-جىلدىڭ ناۋرىز ايىندا جارىققا شىعادى.

سوڭعى جاڭالىقتار