12:44, 20 - جەلتوقسان 2019 | GMT +6
تاجىكستاندا «مۇزبالاق» انيماتسيالىق فيلمى كورسەتىلەدى
نۇر-سۇلتان. قازاقپارات - جەلتوقساندا دۋشانبە قالاسىنداعى كينو ۇيىندە تاجىكستان جانە قازاقستان كينەماتوگرافيستەر وداقتارىنىڭ ىنتىماقتاستىعى شەڭبەرىندە «مۇزبالاق» تولىق مەتراجدى انيماتسيالىق فيلمى كورسەتىلەدى.
بۇل انيماتسيالىق فيلم جاقىندا عانا يزرايلدەن جەڭىسپەن ورالدى، دەپ حابارلايدى «قازاق فيلم» اق باسپا ءسوز قىزمەتى.
قازاقتىڭ عاسىرلار بويى قالىپتاسقان ساياتشىلىق مادەنيەتى تۋرالى سىر شەرتەتىن بۇل انيماتسيالىق تۋىندى بۇركىت پەن ادامنىڭ دوستىعى تۋرالى باياندايدى.
بۇل فيلمدى ق ر مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» ا ق تۇسىرگەن.
تۇردىبەك مايدان جانە تىلەك تولەۋعازى تۇسىرگەن «مۇزبالاقتى» پاريج بەن مينسك تۇرعىندارى دا تاماشالاعان. ال اتالمىش تۋىندى وتاندىق پروكاتقا 18- قازاندا شىقتى.
www.24.kz