+7 (701) 759 90 19
-7 °С : نۇر-سۇلتان
-2 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

الداعى جىلى مۇگەدەكتىك بويىنشا جاردەماقى مولشەرى وسەدى

19 جەلتوقسان 22:32
:ءبولىسۋ

نۇر-سۇلتان. قازاقپارات - 2020-جىلدىڭ قاڭتارىنان مۇگەدەكتىك بويىنشا جاردەماقى 5 پايىزعا ارتادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

مۇگەدەكتىك بويىنشا مەملەكەتتىك الەۋمەتتىك جاردەماقىلاردىڭ مولشەرى كۇنكورىس دەڭگەيىنىڭ مولشەرىنە، مۇگەدەكتىكتىڭ توبى مەن سەبەبىنە، اسىراۋشىسىنان ايىرىلعان جاعدايدا - اسىراۋىنداعى ادامدار سانىنا جانە ءتيىستى قارجى جىلىنا ارنالعان رەسپۋبليكالىق بيۋجەت تۋرالى زاڭدا بەلگىلەنگەن ەڭ تومەنگى كۇنكورىس دەڭگەيىنىڭ مولشەرىنە بايلانىستى بولادى.

«2020-جىلعى 1- قاڭتاردان باستاپ مۇگەدەكتىگى بويىنشا، اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى ەڭ تومەنگى كۇنكورىس دەڭگەيىنىڭ وزگەرۋىنە بايلانىستى 5 پايىزعا ارتاتىن بولادى. مىسالعا، كەلەسى جىلدان باستاپ جالپى اۋرۋدان مۇگەدەكتىككە بەرىلەتىن مەملەكەتتىك الەۋمەتتىك جاردەماقى مولشەرى مۇگەدەكتىك توبىنا بايلانىستى 32431 تەڭگەدەن 59872 تەڭگەگە دەيىن بولادى»، - دەلىنگەن مينيسترلىك مالىمەتىندە.

بۇدان بولەك، اسىراۋشىسىنان ايرىلعاندارعا بەرىلەتىن جاردەماقى اسىراۋىنداعى ادامدار سانىنا بايلانىستى 26818 تەڭگەدەن 65797 تەڭگەگە دەيىن بولادى. سونىمەن بىرگە، جەتىم بالالارعا ءارقايسىسى ءۇشىن 36796 تەڭگەدەن بەرىلەدى، ءبىراق وتباسىنىڭ بارلىق ەڭبەككە قابىلەتسىز مۇشەلەرى ءۇشىن 79829 تەڭگەدەن اسپايدى.

بۇدان بۇرىن حابارلانعانداي، 2020-جىلعى 1- قاڭتاردان باستاپ ىنتىماقتى زەينەتاقى 7 پايىزعا وسەدى، بۇل رەتتە ونىڭ ەڭ تومەنگى مولشەرى 38636 تەڭگەنى قۇرايدى. مەملەكەتتىك بازالىق زەينەتاقى تولەمى 5 پايىزعا ۇلعايادى، ونىڭ ەڭ تومەنگى مولشەرى 16839 تەڭگە بولادى.


باستى سوزدەر: ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات