رۋمىنيادا ديماشتىڭ فان-كلۋبى ونىڭ كونسەرتىن ۇيىمداستىرعىسى كەلەدى - نۇرباح رۇستەموۆ

None
None
نۇر-سۇلتان. قازاقپارات - رۋمىنيادا ديماش قۇدايبەرگەننىڭ فان-كلۋبى بار. بۇل تۋرالى ق ر سىرتقى ىستەر مينيسترلىگىندەگى بريفينگتە قازاقستان رەسپۋبليكاسىنىڭ رۋمىنياداعى ەلشىسى نۇرباح رۇستەموۆ ايتتى، دەپ حابارلايدى قازاقپارات ءتىلشىسى.

«سوڭعى بەس جىل قاتارىنان رۋمىنيادا قازاقستان فيلمدەرى كۇندەرى ءوتىپ كەلەدى. ول جاقتا تاريحي فيلمدەرىمىزدى كورگەننەن كەيىن كوزىنە جاس الىپ، «قازاقتاردىڭ تاريحىن ەندى ءبىلىپ جاتىرمىز» دەگەن ادامداردى دا كوردىم»، - دەيدى نۇرباح رۇستەموۆ س ءى م- دە وتكەن بريفينگتە.

سونداي-اق، ول وپەرا جۇلدىزى نۇرجامال ۇسەنبايەۆا رۋمىنياعا بارىپ ونەر كورسەتكەن كەزدە جەرگىلىكتى حالىقتىڭ تاماشا اسەر العانىن دا تىلگە تيەك ەتتى.

«ءدال سول كەزدە رۋمىنيالىق حانشايىمداردىڭ ءبىرى «ءدال وسىنداي تالانتتاردى بىزگە نەگە كوپ كورسەتپەيسىزدەر؟!» دەدى. ەندى سول جاقتاعى وپەرا جانە بالەت تەاترىنىڭ باسشىلىعى كەلەسى جىلى ءبىزدىڭ ەلدەگى وپەرا انشىلەرىن شاقىرىپ وتىر»، - دەيدى ول.

سونداي-اق، ەلشىنىڭ ايتۋىنشا، رۋمىنيادا ديماش قۇدايبەرگەننىڭ فان-كلۋبى بار.

«2 مىڭعا تارتا فان-كلۋب مۇشەسى بار. جانكۇيەرلەر ديماشتىڭ كەلۋىن سۇراپ وتىر. ديماش باراتىن بولسا - ولار كونسەرتتى ۇيىمداستىرۋدى ءوز مويىنىنا الۋعا دايىن. ديماش - ءبىزدىڭ برەندىمىز. ولاردىڭ ءوتىنىشىن ديماشقا، ونىڭ اتا-اناسىنا ايتتىم»، - دەيدى نۇرباح رۇستەموۆ.

ەسكە سالا كەتسەك، بۇعان دەيىن رۋمىنيادا التىن وردانىڭ 750 جىلدىعى اتاپ وتىلەتىنى تۋرالى جازعان بولاتىنبىز.

سوڭعى جاڭالىقتار