شىمكەنت اكىمى قىتايدىڭ قازاقستانداعى ەلشىسىمەن كەزدەستى
كەزدەسۋدە تاراپتار قازاقستان مەن قىتاي حالىق رەسپۋبليكاسى اراسىنداعى تاتۋ كورشىلىك قارىم-قاتىناستاردى ودان ءارى نىعايتۋدىڭ جانە ءوزارا ءتيىمدى ىنتىماقتاستىقتى دامىتۋدىڭ ماڭىزدىلىعىن اتاپ ءوتتى.
جۇزدەسۋ بارىسىندا ەرلان ايتاحانوۆ قالانىڭ ەكونوميكالىق دامۋى مەن ينۆەستيتسيالىق الەۋەتى تۋرالى حاباردار ەتتى.
«وزىڭىزگە ءمالىم، مەملەكەت باسشىسى قاسىم-جومارت توقايەۆ بەيجىڭدە وتكەن قازاقستان-قىتاي ىسكەرلىك كەڭەسىنىڭ التىنشى وتىرىسىنىڭ اشىلۋىندا قىتاي قازاقستاننىڭ ەڭ ءىرى سىرتقى ساۋدا جانە ەكونوميكالىق ارىپتەستەرىنىڭ ءبىرى ەكەندىگىن ايتقان بولاتىن. وسى باعىتتاعى جۇمىستاردى جانداندىرۋ ءۇشىن ءوندىرىسى مەن ينفراقۇرىلىمى دامىپ كەلە جاتقان مەگاپوليسكە ينۆەستورلاردى شاقىرامىز. سەبەبى، ۇلى جىبەك جولىنىڭ بويىندا ورنالاسقان ءىرى ترانزيتتىك دالىزدەرى بار شىمكەنتتە ينۆەستورلار ءۇشىن قولايلى جاعداي جاسالعان. سوندىقتان ءبىز ءتۇرلى باعىتتا ارىپتەستىك ورناتۋعا نيەتتىمىز»، - دەدى قالا اكىمى.
ءوز كەزەگىندە ەلشى چجان سياو ەلباسى نۇرسۇلتان نازاربايەۆتىڭ ەكى مەملەكەتتىڭ دوستىق قارىم-قاتىناسىن نىعايتۋعا قوسقان زور ۇلەسى مەن ۇلگىلى سارا جولىن ءارى قاراي جالعاستىرۋ قاجەت ەكەنىن جەتكىزدى. سونداي-اق، ينۆەستورلارعا قاتىستى ايتىلعان پىكىرمەن كەلىسەتىندىگىن جانە وسى باعىتتا جۇمىستار اتقارىلاتىندىعىن ايتتى.
باس قوسۋ سوڭىندا قالا باسشىسى بۇل كەزدەسۋ ەكىجاقتى مادەني، ءبىلىم، الەۋمەتتىك ەكونوميكالىق سالانىڭ دامۋىنا سەپتىگىن تيگىزەرىنە سەنىم ءبىلدىردى.