مەكتەپ پەن اتا-انا قاتىناسىنىڭ جاڭا فورماتىن قالىپتاستىرامىز - ءبىلىم ءمينيسترى

نۇر- سۇلتان. قازاقپارات - ەلىمىزدە مەكتەپ پەن اتا-انا قاتىناسىنىڭ جاڭا فورماتى قالىپتاستىرىلادى.

بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«ۇلى ويشىل ءال-فارابي ايتقانداي، «تاربيەسىز بەرىلگەن تاربيە ادامزاتتىڭ قاس جاۋى». سوندىقتان العاش رەت مەملەكەتتىك باعدارلامادا تاربيە بەرۋ، وتباسىلىق قۇندىلىقتاردى ناسيحاتتاۋ ماسەلەسى بولەك باعىت رەتىندە قاراستىرىلىپ وتىر. مەكتەپ پەن اتا-انا قاتىناسىنىڭ جاڭا فورماتىن قالىپتاستىرامىز. قۇندىلىقتارعا نەگىزدەلگەن ءبىلىم بەرۋدى ىسكە اسىرۋ، دەباتتىق قوزعالىستاردى دامىتۋ، تەاترعا باۋلۋ، جاس قىران، جاس ۇلان قوزعالىستارىن ارى قاراي دامىتۋ بارلىق ءبىلىم بەرۋ دەڭگەيلەرىندە جۇرگىزىلەدى دەپ ويلايمىز»، - دەدى 2025 -جىلعا دەيىن قازاقستاندا ءبىلىم مەن عىلىمدى دامىتۋدىڭ مەملەكەتتىك باعدارلاماسىن تانىستىرعان مينيستر.

ونىڭ اتاپ وتۋىنشە، وقۋشىلار مەن ستۋدەنتتەردىڭ سپورتتىق ليگالارىن قۇرۋ جوسپارلانعان. بۇگىندە بۇل كورسەتكىش نەبارى 30 پايىزدى عانا قۇرايدى. سوندىقتان بۇل باعىتتاعى جۇمىس ودان ارى بەلسەندى جۇرگىزىلمەك.

«ال ورتا ءبىلىم بويىنشا جولداۋدا بەرىلگەن تاپسىرماعا سايكەس وقۋلىقتاردى ازىرلەۋ، ساراپتاۋ، باسىپ شىعارۋدىڭ جاڭا جۇيەسىن ەنگىزەمىز. جاڭارتىلعان ءبىلىم بەرۋ مازمۇنىنا كوشۋدى اياقتايمىز. كەزەڭدەپ 12-جىلدىق بىلىمگە اۋىسۋ، كريتەريالدى باعالاۋ جانە وقۋ باعدارلامالارىن جەتىلدىرۋدى قاراستىرىپ وتىرمىز. ينكليۋزيۆتى ءبىلىم بەرۋ 55 پايىزدان ارتىق ءوسىپ، بالالاردىڭ ساپالى ءبىلىم الۋىنا بارلىق دەڭگەيدە جاعداي جاسالاتىن بولادى»، - دەدى اسحات ايماعامبەتوۆ.

اۆتور: مارلان جيەمباي