ديماش قۇدايبەرگەن فەنتەزي جانرىنداعى فيلمنىڭ ساۋندرەگىن ورىندايدى

نۇر- سۇلتان. قازاقپارات - ديماش قۇدايبەرگەن يتاليالىق فەنتەزي جانرىنداعى فيلمنىڭ ساۋندرەگىن ورىندايدى. تۋىندى 2020-جىلدىڭ ناۋرىز ايىندا جارىققا شىعادى، دەپ حابارلايدى قازاقپارات ءتىلشىسى.

«2020-جىلدىڭ ناۋرىزىندا فەنتەزي جانرىنداعى فيلم كورەرمەنگە جول تارتادى. فيلمنىڭ جەلىسىن پەردجۋزەپپە زايا (Pirgiuseppe Zaya) مەن ەلەونورا فاني (Eleanor Fani) جازىپ شىققان. رەجيسسەر - پەردجۋزەپپە زايا.

باستى رولدەردە جەرار دەپاردە، بريۋس پەين، ەلەونارا فاني، مارك فيوريني، دجەننيفەر ميسكياتي مەن ۋيليام شاتنەر وينايدى. مەن فيلمنىڭ نەگىزگى ءانىن (OST) ورىندايمىن. كينوتەاترلاردان كۇتىڭىزدەر»، - دەپ جازدى ءانشى Instagram-داعى پاراقشاسىندا.

ءانشى سونداي-اق پاراقشاسىندا «Creators: The Past» فيلمىنىڭ ترەيلەرىن جاريالادى.