قازاقستاننىڭ مىسىرداعى ەلشىلىگىنىڭ قىزمەتكەرى قازا بولدى
بۇل تۋرالى سىرتقى ىستەر مينيسترلىگىنىڭ باسپا ءسوز قىزمەتى حابارلادى.
«ق ر سىرتقى ىستەر مينيسترلىگى قازاقستاننىڭ مىسىرداعى ەلشىلىگىنىڭ قىزمەتكەرى ە. جولداسوۆتىڭ قازاسى تۋرالى اقپاراتتى راستايدى. قازىرگى ۋاقىتتا وسى ەلدىڭ پروكۋراتۋراسى قاجەتتى تەرگەۋ شارالارىن جۇرگىزۋدە. وسىعان بايلانىستى تەرگەۋ ناتيجەلەرى بويىنشا رەسمي اقپارات پايدا بولماس بۇرىن، بۇل تراگەدياعا قاتىستى ءارتۇرلى ينتەرپرەتاتسيا مەن نەگىزسىز اقپارات تاراتۋدان باس تارتۋدى سۇرايمىز. مينيسترلىكتىڭ وكىلدەرى ەگيپەتكە تەرگەۋگە قاتىسۋ ءۇشىن جىبەرىلدى» دەلىنگەن مينيسترلىكتىڭ حابارلاماسىندا.
سىرتقى ساياسي ۆەدومستۆو مالىمەتىنە ساي، تولىق اقپارات 18- جەلتوقساندا ق ر سىرتقى ىستەر مينيسترلىگى رەسمي وكىلىنىڭ بريفينگىندە بەرىلەدى.
«مينيسترلىك ە. جولداسوۆتىڭ تۋىستارى مەن جاقىندارىنا شىن نيەتىمەن كوڭىل ايتادى جانە ديپلوماتتىڭ وتباسىنا بارلىق كومەك كورسەتەدى» دەلىنگەن حابارلامادا.