العاش رەت «توميريس» فيلمى ۇلتتىق ارنادان كورسەتىلەدى

None
None
نۇر-سۇلتان. قازاقپارات - تاۋەلسىزدىك كۇنىنە وراي «توميريس» فيلمى العاش رەت Qazaqstan ۇلتتىق ارناسىنان كورسەتىلەدى، دەپ حابارلايدى قازاقپارات «قازاق فيلم» كينوستۋدياسىنا سىلتەمە جاساپ.

16- جەلتوقسان - قازاقستان رەسپۋبليكاسىنىڭ تاۋەلسىزدىك كۇنى ساعات 19:00-دە رەجيسسەر اقان ساتايەۆتىڭ «توميريس» فيلمى العاش رەت Qazaqstan ۇلتتىق تەلەارناسىنان كورسەتىلەدى. كينوتۋىندىنى ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاق فيلم» كينوستۋدياسى جانە Sataifilm كومپانياسى بىرلەسە تۇسىرگەن.

شىعارمادا ءبىزدىڭ زامانىمىزعا دەيىنگى VI عاسىردا بولعان وقيعالار سۋرەتتەلەدى. كىشكەنتاي قىزدان ايبىندى جاۋىنگەرگە اينالعان، جاقىندارىنان ايرىلىپ، ساتقىنداردان ءوشىن العان جانە ساق تايپالارىن ءوز بيلىگى استىندا بىرىكتىرگەن ۇلى دالانىڭ اتى اڭىزعا اينالعان توميريس پاتشايىمىنىڭ تاعدىرى باياندالادى. ول ماحاببات پەن ءوز حالقىنىڭ تاۋەلسىزدىگى ءۇشىن سول زامانداعى ەڭ قيامەتتى سوعىستا پارسى يمپەرياسىنىڭ پاتشاسى كيرمەن شايقاسادى.

ەستەرىڭىزگە سالا كەتسەك، «توميريس» فيلمى بيىل كۇزدە جالپى ۇلتتىق پروكاتقا شىعىپ، كوشباسشىلار قاتارىنان كورىنگەن.

سوڭعى جاڭالىقتار