+7 (701) 759 90 19
-8 °С : نۇر-سۇلتان
-1 °С : الماتى
USD 377.19 EUR 408.99
RUB 5.93 CNY 54.02
جاڭالىقتار

قازاقستاندىقتار ديماشتىڭ كونسەرتىن تەلەارنادان قاشان كورە الادى

16 جەلتوقسان 06:01
:ءبولىسۋ
قازاقستاندىقتار ديماشتىڭ كونسەرتىن تەلەارنادان قاشان كورە الادى

نۇر-سۇلتان. قازاقپارات - «Qazaqstan» تەلەارناسى ديماش قۇدايبەرگەننىڭ «ARNAU» اتتى جەكە كونسەرتىنىڭ تەليەۆيزيالىق نۇسقاسى 17-جەلتوقسان كۇنى كورسەتىلەتىنىن ءمالىم ەتتى، دەپ حابارلايدى قازاقپارات.

ايتا كەتەيىك، د. قۇدايبەرگەن «قازاقستان» ر ت ر ك» ا ق ۇيىمداستىرۋىمەن ماۋسىم ايىندا نۇر-سۇلتان قالاسىنداعى كونسەرتىندە «ARNAU» باعدارلاماسىن ۇسىنعان بولاتىن.

كەيىن، 10-جەلتوقسان كۇنى امەريكانىڭ نيۋي- يورك قالاسىندا وتكەن كەشىندە اتالمىش باعدارلامانىڭ جاڭارتىلعان نۇسقاسى - «Arnau tour ENVOY» - مەن ونەر كورسەتتى.

«الەم تىڭدارماندارى بۇل كەشتە جاڭا باعدارلامامەن قاتار، «ARNAU» باعدارلاماسىنىڭ ۇزدىك نومىرلەرىن كورەتىن بولادى. كونسەرتتىڭ تەليەۆيزيالىق نۇسقاسىنىڭ كورسەتىلىم ۋاقىتى قوسىمشا جاريالانادى»، - دەپ ءمالىم ەتكەن بولاتىن «Qazaqstan» تەلەارناسى.

بۇگىن تەلەارنانىڭ Instagram-داعى پاراقشاسىندا ديماشتىڭ كونسەرتى 17-جەلتوقسان كۇنى ساعات 19:00-دە كورسەتىلەتىنى جاريا ەتىلدى.

بۇعان دەيىن قازاقستاندىق ءانشى ءوز جانكۇيەرلەرىنە العىس ايتقان بولاتىن.

«راحمەت، امەريكا. راحمەت، نيۋ-يورك. ريزامىن سەندەرگە، dears. مەن سەندەردى شەكسىز جاقسى كورەمىن. قاراپايىم عانا ەڭبەگىمە ءاردايىم قولداۋ كورسەتىپ، كوككە كوتەرگەندەرىڭ ءۇشىن العىسىم شەكسىز. ۆيدەو كەيىنىرەك بولادى. ال مەنىڭ امەريكاداعى «ارناۋ» اتتى كونسەرتىمنىڭ تولىق ت ۆ نۇسقاسى جاقىندا جارىققا شىعادى»، - دەپ جازعان ەدى ول Instagram-دا.

ەسكە سالا كەتسەك، ديماش قۇدايبەرگەننىڭ نيۋ- يوركتەگى كونسەرتى ۇلكەن انشلاگپەن ءوتتى. وعان الەمنىڭ 60 ەلىنەن جانكۇيەرلەر جينالدى.

كونسەرت قازاقستاننىڭ ا ق ش-تاعى مادەنيەت كۇندەرى اياسىندا جانە ق ر مادەنيەت جانە سپورت مينيسترلىگىنىڭ قولداۋىمەن ۇيىمداستىرىلدى.

اۆتور: ميرا تولەندى قىزى


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات