+7 (701) 759 90 19
-7 °С : نۇر-سۇلتان
-8 °С : الماتى
USD 375.91 EUR 416.85
RUB 6.10 CNY 54.77
جاڭالىقتار

شىمكەنتتە الەمگە ايگىلى رامادا جەلىسىندەگى قوناق ءۇي كەشەنى اشىلدى

16 جەلتوقسان 05:10
:ءبولىسۋ
شىمكەنتتە الەمگە ايگىلى رامادا جەلىسىندەگى قوناق ءۇي كەشەنى اشىلدى

شىمكەنت. قازاقپارات - شىمكەنتتە تاۋەلسىزدىك كۇنىنە وراي الەمگە ايگىلى امەريكالىق Ramada جەلىسىنىڭ قوناق ءۇي كەشەنى اشىلدى، دەپ حابارلايدى قازاقپارات ءتىلشىسى.

ءتورت جۇلدىزدى ءارى حالىقارالىق پرەميۋم- كلاسستى قوناق ءۇيدىڭ اشىلۋ سالتاناتىنا قاتىسقان قالا اكىمى ەرلان ايتاحانوۆ ينۆەستورلاردى جانە قۇرىلىسقا قاتىسقان بارلىق ازاماتتاردى جاڭا عيماراتتىڭ اشىلۋىمەن قۇتتىقتادى.

شاھار باسشىسى قوناق ءۇيدىڭ ءۇشىنشى مەگاپوليستەن اشىلۋى قالا ينفراقۇرىلىمىنا سالىنعان زور ينۆەستيتسيا ەكەنىن اتاپ ءوتتى. 2200 -جىلدىق تاريحى بار كونە شاھارعا 2020 -جىلى ت م د ەلدەرىنىڭ مادەني استاناسى جىلىنىڭ وتۋىنە وراي تۋريستەر كوپتەپ كەلەتىنىن ايتقان قالا باسشىسى تۋريستىك ينفراقۇرىلىمدى بارىنشا جاقسارتۋدى قامتىدى. شەتەلدىك قوناقتاردى جوعارى دەڭگەيدە كۇتىپ الۋ ءۇشىن وڭىردەگى اۋەجاي جانە تەمىر جول جەلىلەرىندە ساپالى قىزمەتتەر كورسەتىلۋىن، بۇل تۇرعىدا قوناق ۇيلەردىڭ دە دەڭگەيى جوعارى بولۋى ۇلكەن مانگە يە ەكەنىن ايتتى.


«بۇگىنگى تاڭدا قوناقجايلىق يندۋسترياسى ەكونوميكامىزدىڭ دامۋىنىڭ الەۋەتتى جانە بولاشاعى زور سالالاردىڭ ءبىرى بولىپ تانىلىپ وتىر. قوناق ءۇي بيزنەسى ءتۋريزمنىڭ ماڭىزدى قۇراۋشىسى رەتىندە جۇرەدى. بۇگىندە مەملەكەت تاراپىنان كاسىپكەرلىكتى دامىتۋ بويىنشا كوپتەگەن قولداۋلار كورسەتىلۋدە. كاسىپكەرگە وسى ءىستى دامىتۋ ءۇشىن «دامۋ« قورىنان قارجىلاي كومەك بەرىلگەنىن دە ايتقىم كەلەدى»، - دەدى ەرلان ايتاحانوۆ.


ايتا كەتەيىك، الەمدىك جەلىدەگى Ramada قوناق ءۇيى الماتى قالاسىنان كەيىن شىمكەنتتە سالىنىپ وتىر. قوناق ءۇيدى ينۆەستور جەرگىلىكتى بيلىكتىڭ كومەك- قولداۋىمەن ەكى جىل ىشىندە كوتەردى.



اۆتور: اينۇر اقبايەۆا


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات