اقتاۋدا تەڭىز جاعاسىنان ۇلكەن كەسىرتكە تابىلدى

None
None
اقتاۋ. قازاقپارات - الەۋمەتتىك جەلىدە تارالعان ۆيدەو اۆتورى تەڭىز جاعاسىنان دەنەسى تابىلعان ۇلكەن كەسىرتكەنى ءتۇسىرىپ، ونىڭ قانداي باۋىرمەن جورعالاۋشى جانە سۋعا قالاي تاپ بولعانىن سۇرادى، دەپ حابارلايدى قازاقپارات ءتىلشىسى.

بۇل تۋرالى قالاداعى ەكولوگ كيريل وسين پىكىرىن ءبىلدىردى. ونىڭ ايتۋىنشا، ۆيدەوداعى جاندىك - يگۋانا تۇقىمداسىنا جاتاتىن كەسىرتكە.

«بۇل - باۋىرىمەن جورعالاۋشىلار كلاسى، قابىرشاقتىلار وتريادى، يگۋانا تۇقىمداسىنا جاتاتىن ەڭ ۇلكەن كەسىرتكەلەردىڭ ءبىرى. يگۋانا - ۇزاق ەۆوليۋتسيالىق وزگەرىستەردەن وتكەن ەجەلگى تۇقىمداستار. ولاردىڭ دينوزاۆرعا ۇقسايتىنى دا سوندىقتان. تەڭىز جاعالاۋىندا جاتقانىنا قاراعاندا اقتاۋ تۇرعىنى پاتەرىندە اسىراعان بولۋى كەرەك. ءولىپ قالعان سوڭ مۇندا اكەلىپ لاقتىرىپ كەتكەن. نەگىزى يگۋانالار اعاشتا ءومىر سۇرەدى. بۇگىنگى تاڭدا كەيبىرەۋلەر ەكزوتيكالىق جانۋارلاردى ۇيىندە وسىرەدى. بۇل دۇرىس ەمەس. مۇنى قاداعالايتىن زاڭ قابىلدانباعاندىقتان ادامدار ويىنا كەلگەنىن جاسايدى»، - دەيدى كيريلل وسين.

اۆتور: ءلايلىم ءالىم

سوڭعى جاڭالىقتار