10:10, 15 - جەلتوقسان 2019 | GMT +6
الماتى اكىمىنىڭ ورىنباسارى قيسايعان ۇيدە تۇنەپ شىقتى
الماتى. قازاقپارات - الماتى اكىمىنىڭ ورىنباسارى مۇحيت ازىربايەۆ قيسايعان ۇيدە تۇنەپ شىقتى، دەپ حابارلايدى قازاقپارات ءتىلشىسى.
«زەردەلى» شاعىناۋدانىندا ورنالاسقان 9 قاباتتى ءۇيدىڭ قاۋىپسىز ەكەنىن دالەلدەۋ ماقساتىندا اكىمنىڭ ورىنباسارى مۇحيت ازىربايەۆ بۇل ۇيدە تۇنەپ شىقتى.
بۇل اقپاراتتى تۇرعىندار راستادى. ماسەلەنى شەشۋگە كەلگەن شەنەۋنىكتەن ولار ۇيدە قالىپ، قونىپ شىعۋدى سۇراعان.
ايتا كەتۋ كەرەك، الماتىدا «زەردەلى» شاعىناۋدانىنىڭ تۇرعىندارى 9 قاباتتى ءۇيدىڭ قيسايعانىن ايتىپ، دابىل قاققان بولاتىن.
«ءبىزدىڭ ءۇيدىڭ ماسەلەسى ءبىر شەشىمىن تاپقانشا مۇلكىمىزبەن قوسا قاۋىپسىز جەرگە كوشىرۋدى سۇرايمىز»، - دەدى تۇرعىن اسەل سادىقوۆا.
ال قالالىق اكىمدىك ارنايى تەكسەرۋ ناتيجەسىندە تۇرعىنداردىڭ الاڭداۋىنا نەگىز جوق ەكەنىن ايتقان بولاتىن.
اۆتور: گۇلميرا عوسمانالي