الماتىلىقتار سۇلتان سارتايەۆتى سوڭعى ساپارعا شىعارىپ سالدى

الماتى. قازاقپارات - الماتىدا جۇرتشىلىق بەلگىلى اكادەميك، قوعام قايراتكەرى سۇلتان سارتايەۆتى اقتىق ساپارعا شىعارىپ سالدى، دەپ حابارلايدى قازاقپارات ءتىلشىسى.

قارالى جيىنعا مارقۇمنىڭ جاقىندارى، شاكىرتتەرى، زيالى قاۋىم وكىلدەرى، الماتى قالاسىنىڭ اكىمى باقىتجان ساعىنتايەۆ قاتىستى.

«سۇلتان سارتايەۆتىڭ قازاقستان مەملەكەتتىلىگىنىڭ قالىپتاسۋىنا قوسقان ۇلەسى شەكسىز. ول قۇقىق قورعاۋ، زاڭ جۇيەسىندە ولشەۋسىز ەڭبەك ەتىپ، وتە دارىندى، بىلىكتى ماماندار دايىندادى»، - دەدى قالا اكىمى قارالى جيىندا.

ەسكە سالساق، تانىمال عالىم، قازاقستان عىلىم اكادەمياسىنىڭ اكادەميگى سۇلتان سارتايەۆتىڭ دۇنيەدەن وتۋىنە بايلانىستى ەلباسى مەن قر پرەزيدەنتى ونىڭ وتباسى مەن جاقىندارىنا كوڭىل ايتۋ جەدەلحاتتارىن جولداعان بولاتىن.

اۆتور: گۇلميرا عوسمانالي