كوكشەتاۋلىق بي جۇبى حالىقارالىق تۋرنيردىڭ جەڭىمپازى اتاندى

None
None
كوكشەتاۋ. قازاقپارات - كوكشەتاۋلىق بي جۇبى رەسەيدىڭ ەكاتەرينبۋرگ قالاسىندا وتكەن حالىقارالىق تۋرنيردىڭ جەڭىمپازى اتاندى.

بۇل تۋرالى قازاقپارات اقمولا وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنە سىلتەمە جاساپ حابارلايدى.

ۆەدومستۆونىڭ مالىمەتىنشە، سپورتتىق بيدەن «ەۋروپا ازيا كۋبوگى 2019» 19-حالىقارالىق تۋرنيرىنە قازاقستان جانە رەسەيدەن جينالعان 2500 جۋىق بي جۇبى قاتىسىپ، ونەر كورسەتتى.

ءۇش كۇندىك جارىستا جاستار ساناتىندا لاتىن بيىمەن سىنعا تۇسكە نۇربەك سۇلتانوۆ پەن ولگا ورلوۆانىڭ جۇبى چەمپيون اتانسا، ماكسيم شيەۆچەنكو مەن مادينا امانجولوۆا ءۇشىنشى ورىن الدى. ال، جاسوسپىرىمدەر ساناتىندا بوگدان رۋچكا مەن امال بايسالبايەۆا ەكىنشى ورىنعا لايىق دەپ تانىلدى.

«بۇل تۋرنيرگە ءبىز جىل سايىن قاتىسامىز. العاشقى سپورتتىق قادامىمىزدا دە وسىدان باستالدى. بۇل وتە تارتىستى تۋرنير. ءبىزدىڭ ۇل- قىزدارىمىز بارىنشا كاسىبي شەبەرلىكتەرىن كورسەتۋگە تىرىستى»، - دەيدى «Reverans» سپورتتىق- بي كلۋبىنىڭ جەتەكشىسى ەلميرا شاريپوۆا.

سوڭعى جاڭالىقتار