+7 (701) 759 90 19
5 °С : نۇر-سۇلتان
5 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

بەرەشەگى بار ازاماتتاردىڭ ەلدەن شىعۋىنا شەكتەۋ الىنا ما – ق ر ۇلتتىق بانكى ءتوراعاسىنىڭ جاۋابى

15 جەلتوقسان 08:45
:ءبولىسۋ
بەرەشەگى بار ازاماتتاردىڭ ەلدەن شىعۋىنا شەكتەۋ الىنا ما – ق ر ۇلتتىق بانكى ءتوراعاسىنىڭ جاۋابى

نۇر- سۇلتان. قازاقپارات - قازاقستان رەسپۋبليكاسىنان شىعۋعا ۋاقىتشا شەكتەۋ قولدانىلاتىن بورىشكەر بەرەشەگىنىڭ شەكتى سوماسى ۇلعايتىلۋى مۇمكىن.

بۇل جايىندا ءماجىلىس دەپۋتاتتارىنىڭ رەسمي ساۋالىنا وراي ق ر ۇلتتىق بانكى ءتوراعاسى ەربولات دوسايەۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«بورىشكەر جەكە تۇلعالاردى ەلدەن شىعۋعا ۋاقىتشا شەكتەۋ تۋرالى كەز كەلگەن شەشىم 20 ا ە ك (50,5 مىڭ تەڭگە) استام بەرەشەگى بولعان كەزدە جانە سوت سانكسياسى نەگىزىندە قابىلدانادى. شەكتەۋ كرەديتتەر بويىنشا بورىشكەرلەرگە عانا ەمەس، سالىقتار، اليمەنتتەر جانە باسقا دا تولەمدەر بويىنشا بەرەشەگى بار ادامدارعا دا قولدانىلادى. سونىمەن قاتار، قازىرگى كەزدە «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسىنىڭ زاڭىمەن بانكتى قارىز بەرەر الدىندا قارىز الۋشىنىڭ تولەم قابىلەتتىگىن جان-جاقتى باعالاۋىن جۇرگىزۋدى مىندەتتەيدى»، - دەدى ۇلتتىق بانك ءتوراعاسى.

ونىڭ تۇسىندىرۋىنشە، بانك قارىز بەرگەنگە دەيىن كليەنتكە قارىزدىڭ تالاپتارى، مولشەرلەمەلەر مەن تاريفتەر، قارىز شارتى بويىنشا مىندەتتەمەلەر ورىندالماعان جاعدايدا كليەنتتىڭ جاۋاپكەرشىلىگى مەن ىقتيمال تاۋەكەلدەرى تۋرالى اقپارات بەرۋگە ءتيىس. قامتاماسىز ەتۋسىز كرەديت (بلانكىلىك كرەديت) بەرۋ تۋرالى شەشىمدى بانك كليەنتتىڭ كرەديت تولەۋ مۇمكىندىگى جوعارى جانە ول سەنىمدى بولعان جاعدايدا عانا قابىلدايدى. بانك شارتتى جاساماس بۇرىن كليەنتكە شارتتىڭ تالاپتارىمەن تانىسۋعا قاجەتتى ۋاقىت بەرەدى.

ال شارت جاساۋ كەزىندە قارىزدىڭ جالپى سوماسىن، ۆاليۋتاسى مەن مەرزىمىن، تولەم سانىن، سىياقى مولشەرلەمەسىنىڭ ءتۇرى مەن مولشەرىن، وتەلۋگە ءتيىس جالپى سومانى، سىياقىنىڭ جيىنتىق سوماسىن، بورىشتى ۋاقتىلى تولەمەگەنى ءۇشىن تۇراقسىزدىق ايىبىنىڭ (ايىپپۇلدىڭ، ءوسىمپۇلدىڭ) مولشەرىن قامتيتىن شارتپەن قوسا بەرىلەتىن جادىنامانى ۇسىنادى.

قارىز الۋشى مەرزىمىن وتكىزىپ العان جاعدايدا، بانك مەرزىمى وتكەننەن كەيىن 30 كۇن ىشىندە قارىز الۋشىعا مەرزىمى وتكەن بەرەشەكتىڭ مولشەرىن كورسەتە وتىرىپ، شارت بويىنشا تولەمدەر ەنگىزۋ قاجەتتىلىگى جانە قارىز الۋشىنىڭ ءوز مىندەتتەمەلەرىن ورىنداماۋىنىڭ سالدارى تۋرالى حابارلايدى. قارىز الۋشى تۋىنداعان بەرەشەكتى رەتتەۋ ءۇشىن بانككە جۇگىنۋگە قۇقىلى. بورىشكەر تاراپىنان جاۋاپ بولماعان كەزدە عانا بانك سوڭعى شارالاردى قابىلدايدى، ونىڭ ىشىندە بەرەشەكتى ءوندىرىپ الۋ تۋرالى تالاپ ارىزبەن جۇگىنەدى.

وسىلايشا، بانك كرەديتور بولا وتىرىپ، بەرىلگەن قاراجاتتى قايتارۋعا مۇددەلى. سەبەبى ولاي بولماعان جاعدايدا بانككە ءوز اقشاسىن سەنىپ تاپسىرعان سالىمشىلاردىڭ (دەپوزيتورلاردىڭ) مۇددەلەرى زارداپ شەگۋى مۇمكىن.

«سوندىقتان دا بورىشكەردىڭ ەلدەن شىعۋىنا ۋاقىتشا شەك قويۋ مۇمكىندىگى قارىز قاراجاتىن قايتارۋ ءۇشىن زاڭنامادا كوزدەلگەن قۇرالداردىڭ ءبىرى عانا بولىپ تابىلادى جانە قارىز بەرۋ تۋرالى شەشىمگە اسەر ەتپەيدى. وسىعان بايلانىستى كورسەتىلگەن قۇرالدان تولىعىمەن باس تارتۋ ورىنسىز. بۇل رەتتە ۇلتتىق بانك مۇددەلى مەملەكەتتىك ورگاندارمەن بىرلەسىپ بورىشكەر بەرەشەگى شەكتى سومادان اسىپ كەتكەن جاعدايدا قازاقستان رەسپۋبليكاسىنان شىعۋعا ۋاقىتشا شەكتەۋ قولدانىلاتىن شەكتى سومانى ۇلعايتۋ ماسەلەسىن قاراستىرۋعا بولادى دەپ سانايدى»، - دەدى ەربولات دوسايەۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات