+7 (701) 759 90 19
11 °С : نۇر-سۇلتان
22 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مينيستر رۋسلان دالەنوۆ قوس قولى جوق كاسىپكەرگە مەدال تاپسىردى

14 جەلتوقسان 12:08
:ءبولىسۋ
مينيستر رۋسلان دالەنوۆ قوس قولى جوق كاسىپكەرگە مەدال تاپسىردى

نۇر-سۇلتان. قازاقپارات - ەلىمىزدىڭ تاۋەلسىزدىك كۇنى قارساڭىندا ۇلتتىق ەكونوميكا مينيسترلىگىندە پرەزيدەنت جارلىعىمەن بەرىلگەن مەملەكەتتىك ناگرادالاردى سالتاناتتى تابىستاۋ ءراسىمى وتكىزىلدى.

مەملەكەتتىك ناگرادالاردى پرەزيدەنت اتىنان ق ر ۇلتتىق ەكونوميكا ءمينيسترى رۋسلان دالەنوۆ تاپسىردى، دەپ حابارلايدى قازاقپارات اتالعان ۆەدومستۆونىڭ باسپا ءسوز قىزمەتىنە سىلتەمە جاساپ.

ەلىمىزدىڭ الەۋمەتتىك- ەكونوميكالىق جانە مادەني دامۋىنا سىڭىرگەن ەڭبەگى، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن تارازدىق كاسىپكەر انارا بەكسۇلتانوۆا «شاپاعات» مەدالىنە يە بولدى.

«مەنىڭ تۋعاننان بەرى ەكى قولىم جوق. مەن بارلىعىن اياعىممەن ىستەپ ۇيرەندىم. تىگىندى دە اياقپەن تىگىپ ۇيرەندىم. جوعارى وقۋ ورنىن ءبىتىرىپ، ولكەتانۋ مۋزەيىندە جۇمىس ىستەۋىمە، كاسىپكەرلىكپەن اينالىسۋىما، قىز بالالاردى ءوسىرىپ، تاربيەلەۋىمە ەشتەڭە كەدەرگى كەلتىرە العان جوق. باستىسى، قيىنشىلىقتى جەڭە ءبىلۋ قاجەت. بۇعان كوزىم ابدەن جەتكەن. ەگەر نيەت بولسا، جۇمىس تا تابىلادى»، - دەيدى تارازدىق كاسىپكەر.

انار بەكسۇلتانوۆانىڭ اينالىسىپ وتىرعان بيزنەسى - كوپشىلىككە ۇلگى. ول - كاسىپكەر، قولونەر شەبەرى، تىگىنشى جانە بيزنەستى دامىتۋعا ارنالعان مەملەكەتتىك گرانت يەسى. ونى ءوڭىر حالقى جاقسى بىلەدى، باتىل، تاباندى، ىسكەر بيزنەس وكىلى دەپ تانيدى.

بيىل جازدا جامبىل وبلىسىنىڭ كاسىپكەرى انار بەكسۇلتانوۆا شاعىن كاسىپكەرلىكتى دامىتۋعا جانە جۇمىس ورنىن قۇرۋعا قوسقان ۇلەسى ءۇشىن ۇلتتىق ەكونوميكا ءمينيسترىنىڭ قۇرمەت گراموتاسىنا يە بولعان ەدى.

رۋسلان دالەنوۆ اتاپ كورسەتكەندەي، قايسار، باتىل، ىسكەر اناردىڭ ءومىر جولى مەن تاباندىلىعى ءتانتى ەتەدى.

سونىمەن بىرگە، سالتاناتتى جيىن كەزىندە «قۇرمەت» وردەنى، «ەرەن ەڭبەگى ءۇشىن»، «ەڭبەك ارداگەرى» مەدالى، قازاقستان رەسپۋبليكاسىنىڭ قۇرمەت گراموتالارى، سونداي-اق، ەكونوميكانى دامىتۋعا قوسقان ەلەۋلى ۇلەسى، ادال جانە ءمىنسىز مەملەكەتتىك قىزمەتى ءۇشىن ۆەدومستۆولىق ماراپاتتار بەرىلدى.

ەسكە سالساق، جامبىلدىق انار بەكسۇلتانوۆا قوس قولى جوق بولسا دا، ەكى اياعىمەن ءىس تىگىپ، ءوزىنىڭ جەكە كاسىبىن جۇرگىزىپ وتىرعانى تۋرالى جازعان بولاتىنبىز.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات