09:05, 14 - جەلتوقسان 2019 | GMT +6
ديماش قۇدايبەرگەن تاۋەلسىزدىك كۇنىنە ارنالعان كونسەرتتە ءان شىرقادى
نۇر-سۇلتان. قازاقپارات - ءانشى ديماش قۇدايبەرگەن ەلورداداعى استانا وپەرا جانە بالەت تەاترىنداعى تاۋەلسىزدىك كۇنىنە ارنالعان كونسەرتتە ءان شىرقادى، دەپ حابارلايدى قازاقپارات ءتىلشىسى.
ەسكە سالا كەتسەك، قازاقستان پرەزيدەنتى قاسىم-جومارت توقايەۆ پەن ەلباسى نۇرسۇلتان نازاربايەۆ تاۋەلسىزدىكتىڭ 28 جىلدىعىنا وراي وتكىزىلگەن سالتاناتتى كونسەرتتى تاماشالاعانى بۇعان دەيىن حابارلانعان بولاتىن.
اتالمىش كەشتە ءانشى ديماش قۇدايبەرگەن «ەلىم مەنىڭ» ءانىن شىرقاپ، كوپشىلىكتىڭ قوشەمەتىنە يە بولدى. ءانشىنىڭ ونەر كورسەتكەن شاعىن ۆيدەوسىن مەملەكەت باسشىسىنىڭ باسپا ءسوز حاتشىسى بەرىك ءۋالي جاريالادى.
ايتا كەتەرلىگى، ديماش قۇدايبەرگەن نيۋ-يوركتەگى كونسەرتىنەن وتانىنا ورالا سالىسىمەن «قازاقستاننىڭ ەڭبەك سىڭىرگەن قايراتكەرى» اتانعان بولاتىن.
فوتو: www.akorda.kz
اۆتور: ايان بەكەن ۇلى