نۇر- سۇلتان قالاسى ءماسليحاتىنىڭ حاتشىسى قاماۋعا الىندى
بۇل تۋرالى سىبايلاس جەمقورلىققا قارسى ءىس- قيمىل اگەنتىگىنىڭ بريفينگىندە ايتىلدى، دەپ حابارلايدى قازاقپارات ءتىلشىسى.
«قازىرگى ۋاقىتتا اكىمدىكتىڭ بۇرىنعى باسشىلارى قاماۋعا الىندى. ولار ر. امانجولوۆ جانە ج نۇرپەيىسوۆ پەن ءۇش مەردىگەر ۇيىمنىڭ باسشىلارى»، - دەيدى سىبايلاس جەمقورلىققا قارسى ءىس- قيمىل اگەنتىگىنىڭ ەكىنشى دەپارتامەنتىنىڭ باسشىسى سەرگەي پەروۆ.
ونىڭ ايتۋىنشا، قىلمىستى نۇر- سۇلتان قالاسى اكىمىنىڭ بۇرىنعى ورىنباسارى سۇلتانبەكوۆ پەن
«Астана LRT» باسشىسى ت. اردان شەتەلدىك جانە قازاقستاندىق كومپانيالاردىڭ قاتىسۋىمەن ۇيىمداستىرعان.
«وسى لاۋازىمداعى تۇلعالار اكىمدىك باسقارمالارىنىڭ بۇرىنعى باسشىلارى ر. امانجولوۆ، ج. نۇرپەيىسوۆتىڭ قاتىسۋىمەن 24 ميلليارد تەڭگەدەن استام قاراجات جۇمسالعان. بۇل قارجىعا جوبالىق- سمەتالىق قۇجاتتامانى ازىرلەۋ، كەڭەسشىلىك قىزمەتتەردى كورسەتۋ جانە تەحنيكالىق باقىلاۋ شىعىندارى كىرگەن»، - دەيدى ول.
سونداي- اق، سىبايلاس جەمقورلىققا قارسى ءىس قيمىل قىزمەتى ج. نۇرپەيىسوۆ نۇر- سۇلتان قالاسى ءماسليحاتىنىڭ حاتشىسى ەكەنىن ايتتى.
ەلوردا سايتىنداعى مالىمەت بويىنشا، جانات نۇرپەيىسوۆ 2016 -جىلدىڭ 20 - ناۋرىزىندا التىنشى شاقىرىلىمداعى استانا قالاسى ءماسليحاتىنىڭ دەپۋتاتى بولىپ سايلانعان.