اكادەميك سۇلتان سارتايەۆ قايتىس بولدى
سۇلتان سارتاي ۇلى سارتايەۆ - كەڭەس جانە قازاقستاندىق عالىم، زاڭ عىلىمدارىنىڭ دوكتورى، پروفەسسور، قازاقستان ۇلتتىق عىلىم اكادەمياسىنىڭ اكادەميگى، قازاقستان رەسپۋبليكاسىنىڭ ەڭبەك سىڭىرگەن عىلىم قايراتكەرى، قۇقىق تانۋ جانە حالىقارالىق قاتىناستار ينستيتۋتىنىڭ رەكتورى، قازاقستان زاڭگەرلەر قاۋىمداستىعىنىڭ ۆيتسە- پرەزيدەنتى.
ول ەلىمىزدەگى كونستيتۋتسيانىڭ نەگىزىن قالاۋشىلاردىڭ ءبىرى. سارتايەۆ 1995 -جىلى ەلىمىزدىڭ اتا زاڭىن دايىنداۋعا بەلسەندى ارالاسقان. ونىڭ باستاۋىمەن كونستيتۋتسياعا قازاقستاننىڭ جەر جانە جەر قويناۋى، ۇلتتىق نىشاندارىنا بايلانىستى كوپتەگەن ماڭىزدى وزگەرىس ەنگىزىلدى.
سۇلتان سارتايەۆ 1927 -جىلى 15 - قازاندا دۇنيەگە كەلگەن. 1962 -جىلى سۇلتان سارتاي ۇلى اۋىلداردا قازاق مەكتەبىن بىتىرگەندەر ءۇشىن زاڭ فاكۋلتەتىندە قازاق ءبولىمىن اشۋ ءۇشىن بارلىق كۇش- جىگەرىن جۇمساعان. ول بالالار ۇيىندە تاربيەلەنىپ جاتقان ستۋدەنتتەردى جاتاقحانامەن قامتاماسىز ەتۋ جانە شاكىرتاقى الۋعا، قازاق تىلىندەگى قابىرعا گازەتىن شىعارۋعا كومەكتەستى.