باقىتجان ساعىنتايەۆ: كەلەسى جىلى قۇلجا تراكتىسىنىڭ قۇرىلىسى باستالادى

الماتى. قازاقپارات - الماتى قالاسىنىڭ اكىمى باقىتجان ساعىنتايەۆ اۋەجايعا اپاراتىن اينالاما جول ايرىعىنىڭ قۇرىلىسى تۋرالى ايتتى، دەپ حابارلايدى قازاقپارات ءتىلشىسى.

«بيىل ءبىزدى ۇكىمەت قولدادى. 2019-جىلى جولايرىقتارىنىڭ قۇرىلىسىنا، جەر ۋچاسكەلەرىن ساتىپ الۋعا، مەترو قۇرىلىسىن جالعاستىرۋعا جانە باسقا دا قۇرىلىستارعا قوسىمشا اقشا الدىق. كەلەسى جىلى دا وسى باعىتتارعا قارجى بولەنەتىن بولدى. ەڭ باستىسى ءبىز قۇلجا تراكتىسىنىڭ قۇرىلىسىن باستاۋ ءۇشىن قارجى الا الدىق - بۇل اۋەجايعا اپاراتىن اينالما جول ايىرىعى»، - دەدى باقىتجان ساعىنتايەۆ ءماسليحات سەسسياسىندا.

قالا اكىمى قۇرىلىس جۇمىستارى كەلەسى جىلدىڭ باسىنان باستالاتىنىن اتاپ ءوتتى. قۇرىلىس ەكى جىلعا سوزىلادى. مەردىگەر كومپانياعا وسىنداي تالاپ قويىلدى.

ايتا كەتەيىك، بۇگىن الماتىنىڭ 2020-2022-جىلدارعى بيۋجەتى بەكىتىلدى.