كەنەسارى حاننىڭ السارا اتتى قارىنداسى بولعان - تاريحشى
تاريحشىنىڭ ايتۋىنشا، بۇل كىتاپقا رەسەيدىڭ سانكت-پەتەربۋرگ، ماسكەۋ، ورىنبور، ومبى جانە قازاقستان ورتالىق مەملەكەتتىك ارحيۆىندەگى قۇجاتتار توپتاستىرىلىپ بەرىلگەن.
كەيبىر دەرەك سوۆەت ۇكىمەتى كەزىندە بەلگىلى ءبىر جاعدايلارعا بايلانىستى قىسقا دا، نۇسقا بەرىلسە، كەيبىرى مۇلدەم جاريالانباعان. سونىڭ ءبىرى كەنەسارى قاسىم ۇلىنىڭ كوتەرىلىسىنە قاتىستى ورىنبور ارحيۆىنەن اكەلىنگەن قۇجات. ءبىز بۇعان دەيىن كەنەسارى قاسىم ۇلىنىڭ جالعىز بوپاي دەگەن قارىنداسى بولدى دەپ كەلدىك. ال 1841-جىلعى ورىنبور ارحيۆتەرىندە ساقتالعان قۇجاتتاردا ونىڭ بوپايدان باسقا السارا اتتى قارىنداسىنىڭ بولعانى ايتىلادى، - دەيدى تاريحشى.
سونىمەن قاتار، ول قازاق جەرىندەگى 1916-جىلعى ۇلت-ازاتتىق كوتەرىلىستىڭ زارداپتارىن جويۋعا بايلانىستى ورتالىق دۋمادان 11 ميلليون 151 مىڭ رۋبل اقشا بولىنگەنى جايلى قۇجاتتار تابىلعانىن جەتكىزدى.
ونىڭ 6 ميلليون 150 مىڭى ورىس ەلدى مەكەندەرىنە بولىنسە، 5 ميلليونى قازاق اۋىلدارىنا بولىنگەن. وسى اقشاعا بايلانىستى بولشيەۆيكتەر مەن الاش زيالىلارىنىڭ اراسىندا تارتىس بولعان. اركىم ءوز يدەياسىن وتكىزۋ ءۇشىن قارجىنى قاجەت ەتكەن. اقشاعا تالاس بارىسىندا شكاۆسكي وسى قارجىنىڭ قۇربانى بولعانى ارحيۆ قۇجاتتارىندا ايتىلادى، - دەيدى راشيد ورازوۆ.