+7 (701) 759 90 19
30 °С : نۇر-سۇلتان
33 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

اقىلدى ادام ايتپايتىن سوزدەر

13 جەلتوقسان 17:34
:ءبولىسۋ
اقىلدى ادام ايتپايتىن سوزدەر

نۇر-سۇلتان. قازاقپارات – ادام ءبىلىم العاندا جاڭانى تانىپ قانا قويماي، تانىم كەڭىستىگىن كەڭەيتىپ، ويلاۋ قابىلەتىن ارتتىرادى. العان ءبىلىمىن ساناسىندا جاڭعىرتىپ، ومىردە قولدانا بىلسە، اقىلدى ادامعا اينالادى.

ال اقىلدى ادام از سويلەپ، كوپ تىڭدايدى.

بۇل ادىلەتسىز

كەيدە ءومىر اركىمگە ءارتۇرلى كوزقاراس تانىتىپ، بىرەۋگە باقتى ءۇيىپ-توگىپ بەرە سالعانداي، ەندى بىرەۋدى ءبىر اينالدىرعاندا شىر اينالدىرىپ قىرسىققا شالدىرىپ قويعانداي كورىنەتىنى راس. الايدا بۇل ءسوز ەشتەڭەنىڭ شەشىمى بولا المايدى.

ءوز باسىڭىزداعى جايسىزدىق تۋرالى جالپاق جۇرتقا جاريا قىلماي-اق، اقىلدى ادام وعان كەتكەن كۇشىن جەتىستىككە جەتۋگە جۇمسايدى.

شارشاڭقى كورىنەسىڭ

بۇل ءسوز ادامعا باسىڭنان اسقان ماسەلەلەرىڭ بەتىڭە شىعىپ تۇر دەگەندەي ەستىلەدى. شىنىمەن كومەكتەسپەك نيەتى بولسا، ادام جاي عانا جاعدايىن سۇرايدى.

قارسى الدىنداعى ادام قاجەت دەپ تاپسا ىشىندەگى شەرىن ايتىپ، كومەك كۇتەدى. ال سىزگە ماردىمدى جاۋاپ بەرمەسە، قاجەت دەپ تاپپاسا، ارى قاراي قازبالاۋدىڭ قاجەتى جوق.

جاس كورىنەدى ەكەنسىز

بۇل ماقتاۋ ەمەس. مۇنداي سوزبەن ادامنىڭ جاسىن ەسىنە سالىپ، قارتايىپ قالىپسىز دەگەندەي بولاسىز. ونىڭ ورنىنا اقىلدى ادام جاي عانا «قۇلپىرىپ تۇرسىز» دەيدى. ول دا ءبىر ءماز بوپ قالادى.

ءيا، ايتىپ ەدىڭ عوي...

كەيدە ادامدار ويىن كىمگە ايتىپ، كىمگە ايتپاعانىن ۇمىتىپ قالۋى دا عاجاپ ەمەس. سوندىقتان سىزگە بۇرىن ايتىپ قويعان اقپاراتىن تاعى قايتالاپ جاتسا، وعان بىلەتىنىڭىزدى كورسەتۋ مىندەتتى ەمەس. بۇلاي ونى وزىڭىزدەن تومەندەتىپ، اڭگىمەسىن قىزىقسىز ساناپ تۇرعانداي اسەر قالدىراسىز. ۇندەمەي ارى قاراي تىڭداي بەرگەن ابزال.

ۇنەمى وسىلاي ىستەيسىڭ

اقىلدى ادام وزگەنىڭ قاتەلىگىن بەتىنە باسپايدى. بارلىعى ءسىزدىڭ ايتقانىڭىزبەن جۇرۋگە نە ويلاعانىڭىزداي ارەكەت ەتۋگە مىندەتتى ەمەس. الدىڭعى قاتەلىكتەرىن بەتىنە سالىق ەتە بەرمەي، ءدال قازىرگى ءىسىنىڭ دۇرىس بولماعانىن ايتۋ دا جەتىپ جاتىر.

ساتتىلىك!

بۇل كوبىنىڭ سوزدىك قورىندا كەزدەسەدى. الايدا ءسىز ادامنىڭ لوتەرەيادان نە جارىستان جەڭىپ كەلۋىن تىلەپ جاتقان جوقسىز عوي. ونىڭ ورنىنا «تابىستى بولىڭىز» نە «تابىس تىلەيمىن»، «جولىڭىز بولسىن» دەگەن سەكىلدى سوزدەر ايتۋ شىن جۇرەكتەن شىققانداي ەستىلەدى.

ايتتىم عوي ساعان

بۇل ناعىز وزىمشىلدىككە، ماقتانعا تولى ءسوز. البەتتە، وعان بۇلاي ىستەمەۋدى ەسكەرتكەن بولارسىز. الايدا رايىنان قايتارا الماعان سوڭ وتكەن ىسكە وكىنىپ، بارلىعىن ەسكە سالا بەرۋدىڭ نە قاجەتى بار؟!

بولعان ىسكە شىن وكىنگەن ادام جىعىلعان ۇستىنە جۇدىرىق بولماي، كەرىسىنشە، ارى قاراي قالاي جول تابۋدى، كومەكتەسۋدى ويلايدى. ول قولىنان كەلمەسە، جاي عانا ءۇنسىز قالۋدىڭ ءوزى كومەك.

سىزگە دەگەن قۇرمەتپەن...

بۇل ءسوز كوبىنە قۇرمەتتىڭ تابى اسا بىلىنبەيتىن جەرلەردە ايتىلادى. مىسالى داياشى، ستيۋاردەسسا سەكىلدى قىزمەتكەرلەر قولدانۋى مۇمكىن، ال ولاردىڭ تۇرىنەن ەشقانداي ىزگى نيەت بىلىنبەي، جاي عانا امالسىز جۇمىسىن اتقارىپ تۇرعانى كوبىرەك بايقالادى.

قولىمنان كەلمەيدى

شىنىندا دا ارى قاراي قالاي قادام باسۋدى بىلمەي، كەيىن شەگىنبەكسىز ءارى مۇنى كوپتىڭ كوزىنشە ايتىپ تۇرسىز با؟ ودان وتكەن قاتەلىك جوق. ءوزىڭىز ويلاعاننان الدەقايدا مىقتى ەكەنىڭىزدى ەسكە ءتۇسىرىپ، ۋاقىتشا كەزىككەن كەدەرگىلەردى جەڭىپ شىعۋعا بارىڭىزدى سالىڭىز. قالاۋىن تاپسا قار جانادى.

Massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات