توقايەۆ ەكونوميكا الدىندا تۇرعان جاڭا سىن-تەگەۋىرىندەر تۋرالى ايتتى
بۇل تۋرالى بۇگىن ق ر پرەزيدەنتىنىڭ «التىن ساپا» سىيلىعىن تاپسىرۋ راسىمىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ءبىز ونەركاسىپتىڭ، سونىمەن قاتار تولىقتاي العاندا ەل ەكونوميكاسىنىڭ الدىندا تۇرعان جاڭا سىن-تەگەۋىرىندەردى دە ەسكەرۋگە ءتيىسپىز. بۇل - ساۋدا سوعىستارى، ءىرى ەكونوميكالىق دەرجاۆالار اراسىنداعى سانكتسيالىق شەكتەۋلەر. دۇنيەجۇزىلىك ساۋدا پرينتسيپتەرىنە نۇقسان كەلتىرە وتىرىپ، ساۋدا رەجىمدەرىن شەكتەۋ جالعاسۋدا. پروتەكتسيونيستىك ساياساتتا كۇشەيىپ كەلەدى»، - دەدى مەملەكەت باسشىسى.
وسى ورايدا، قاسىم-جومارت توقايەۆ ەلىمىزدىڭ ەكونوميكاسىنا كومەك كورسەتۋ ءۇشىن ەكسپورت پەن ىشكى ساۋدانى قارقىندى دامىتۋ قاجەتتىگىن باسا ايتتى.
«مۇنداي جاعدايدا قازاقستاننىڭ ەكونوميكالىق الەۋەتىن جۇزەگە اسىرۋ ءۇشىن ۇلتتىق بيزنەستىڭ حالىقارالىق باسەكەگە قابىلەتتىلىگىن دامىتۋ باستى ماسەلە بولماق. وعان ەڭ الدىمەن ۇكىمەت كومەكتەسۋى ءتيىس. يندۋستريالاندىرۋ ورتالىق ەلەمەنتى ەكسپورتتى ودان ءارى ىنتالاندىرۋ مەن ىشكى نارىقتى دامىتۋعا نەگىز بولۋى قاجەت»، - دەدى قازاقستان پرەزيدەنتى.