دەمالىس جانە مەرەكە كۇندەرى اۋا رايى قانداي بولادى

None
None
نۇر-سۇلتان. قازاقپارات - «قازگيدرومەت» ر م ك 14-17-جەلتوقسان كۇندەرىنە اۋا رايى بولجامىن ۇسىندى، دەپ حابارلايدى قازاقپارات.

«رەسپۋبليكامىزدىڭ سولتۇستىك وبلىستارىندا قاردىڭ جاۋۋى مەن تەمپەراتۋرانىڭ تومەندەۋىنە ىقپال ەتكەن اركتيكالىق سۋىق فرونت وڭتۇستىك، ورتالىق جانە شىعىس وڭىرلەر ارقىلى التايعا جىلجيدى. كەيىن انتيتسيكلونعا بايلانىستى قازاقستاننىڭ قالعان ايماقتارىندا دا تەمپەراتۋرا تومەندەيدى. ءبىراق، ول ۇزاققا سوزىلمايدى. 16-جەلتوقساندا رەسەيدىڭ ەۋروپالىق بولىگىنەن رەسپۋبليكانىڭ باتىس وبلىستارىنا كەزەكتى اتموسفەرالىق فرونتتار جىلجىپ، جاۋىن- شاشىن تۇسەدى جانە اۋا تەمپەراتۋراسى جوعارىلايدى»، - دەلىنگەن حابارلامادا.

رەسپۋبليكانىڭ كوپتەگەن وڭىرىندەگى تۇمان مەن كوكتايعاق 14-17-جەلتوقسان ارالىعىندا دا بولجانادى.

سوڭعى جاڭالىقتار