13:33, 13 - جەلتوقسان 2019 | GMT +6
ق ر پرەزيدەنتى روزا رىمبايەۆانى قابىلدادى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ قازاقستاننىڭ حالىق ءارتىسى روزا رىمبايەۆانى قابىلدادى، دەپ حابارلايدى اقوردا.
كەزدەسۋ بارىسىندا ەل مادەنيەتىن دامىتۋ ماسەلەسى تالقىلاندى.
روزا رىمبايەۆا قازاقستان پرەزيدەنتىنە ءوزىنىڭ شىعارماشىلىق قىزمەتىنىڭ 45 جىلدىعىنا وراي ەلىمىزدىڭ بارلىق ايماعىندا جەكە كونسەرتىن ۇيىمداستىرۋ جايىنداعى جوسپارىن ايتتى. سونىمەن قاتار ءانشى تالانتتى جاس مۋزىكانتتاردى قولداۋعا باعىتتالعان مادەني ورتالىق اشۋ تۋرالى ويىمەن ءبولىستى.
قاسىم-جومارت توقايەۆ روزا رىمبايەۆانى «قازاقستاننىڭ ەڭبەك ەرى» اتاعىن الۋىمەن قۇتتىقتاپ، شىعارماشىلىق تابىس تىلەدى.
