مەملەكەت باسشىسى «التىن ساپا» مەن «پارىز» بايقاۋلارىنىڭ ۇزدىكتەرىن ماراپاتتادى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ بيزنەستىڭ الەۋمەتتىك جاۋاپكەرشىلىگى جونىندەگى «پارىز» رەسپۋبليكالىق كونكۋرسىنىڭ باس جۇلدەسىن تابىستادى، دەپ حابارلايدى قازاقپارات ءتىلشىسى.

سونىمەن، اتالعان بايقاۋدىڭ گران- پري يەگەرى رەتىندە «ەۋرازيالىق توپ» تانىلدى. مۇنىمەن قوسا، «پارىز» بايقاۋىنىڭ «ۇزدىك الەۋمەتتىك جاۋاپتى كاسىپورىن» اتالىمىندا جەڭىمپاز رەتىندە قىزىلوردا وبلىسىنداعى «ابزال ي ك» كومپانياسى ماراپاتتالدى.

بۇدان بولەك، پرەزيدەنت قاسىم- جومارت توقايەۆتىڭ قولىنان «التىن ساپا» سىيلىعىنىڭ «ۇزدىك يندۋستريالىق جوبا» ارنايى سىلىعى بويىنشا قاراعاندى وبلىسىنداعى «بيەمەر ارماتۋرا» جشس ماراپات الدى. سونىمەن قاتار، «ۇزدىك يننوۆاتسيالىق جوبا» ارنايى سىيلىعىندا قىزىلوردا وبلىسىنداعى «س ك ز- U»  ج ش س جەڭىمپاز بولدى.

ايتا كەتەيىك، «ۇزدىك الەۋمەتتىك جاۋاپتى كاسىپورىن»، «ەڭبەكتى قورعاۋ سالاسىنداعى ۇزدىك كاسىپورىن»، «ۇزدىك ۇجىمدىق شارت» جانە «قورشاعان ورتاعا قوسقان ۇلەسى ءۇشىن» 4 نوميناتسيادان تۇراتىن «پارىز» بايقاۋىن ق ر ەڭبەك جانە حالىقتى الەۋمەتتىك قورعاۋ مينيسترلىگى 2008 -جىلدان بەرى وتكىزىپ كەلەدى. ءار نوميناتسيا ءۇشىن ءىرى، كىشى جانە ورتا كاسىپكەرلىك سۋبەكتىلەرى ساناتتارى بويىنشا ءۇش نوميناتسيا بەرىلەدى.

اعىمداعى جىلى كونكۋرسقا قاتىسۋعا 446 ءوتىنىم كەلىپ ءتۇستى، ونىڭ ىشىندە: 141 كاسىپورىن - ءىرى كاسىپكەرلىك سۋبەكتىلەرى بولسا، 305 كاسىپورىن - شاعىن جانە ورتا بيزنەس سۋبەكتىلەرى.

بۇگىن تۇسكە دەيىن اسقار مامين «پارىز» بيزنەستىڭ الەۋمەتتىك جاۋاپكەرشىلىگى بويىنشا جىل سايىنعى بايقاۋىنىڭ جەڭىمپازدارىنا قۇرمەت كورسەتتى.

وسى ورايدا «ەڭبەكتى قورعاۋ سالاسىنداعى ۇزدىك كاسىپورىن» اتالىمىندا ءىرى كاسىپكەرلىك سۋبەكتىلەرى اراسىندا س. م. كيروۆ اتىنداعى «ماشينا جاساۋ زاۋىتى» ا ق، «ۇزدىك ۇجىمدىق شارت» اتالىمىندا «اقساي گازسەرۆيس» ا ق، سونداي-اق «قورشاعان ورتاعا قوسقان ۇلەسى ءۇشىن» اتالىمى بويىنشا «بايكەن- U»  ج ش س ىرىكتەلدى.

اۆتور: رۋسلان عابباسوۆ