+7 (701) 759 90 19
-4 °С : نۇر-سۇلتان
-6 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

دونالد ترامپ قازاقستان حالقىن تاۋەلسىزدىك كۇنىمەن قۇتتىقتادى

13 جەلتوقسان 13:52
:ءبولىسۋ
دونالد ترامپ قازاقستان حالقىن تاۋەلسىزدىك كۇنىمەن قۇتتىقتادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆتىڭ اتىنا قازاقستان رەسپۋبليكاسىنىڭ تاۋەلسىزدىك مەرەكەسىنە وراي قۇتتىقتاۋلار كەلىپ تۇسۋدە، دەپ حابارلايدى اقوردا.

مەملەكەت باسشىسى قاسىم-جومارت توقايەۆتىڭ اتىنا قازاقستان رەسپۋبليكاسىنىڭ تاۋەلسىزدىك كۇنى مەرەكەسىنە وراي شەت مەملەكەتتەردىڭ باسشىلارىنان قۇتتىقتاۋ حاتتار مەن جەدەلحاتتار كەلىپ ءتۇستى.

امەريكا قۇراما شتاتتارىنىڭ پرەزيدەنتى دونالد ترامپ جەدەلحاتىندا ەلىنىڭ جانە جەكە ءوز اتىنان قازاقستان حالقىن تاۋەلسىزدىكتىڭ 28 جىلدىعىمەن قۇتتىقتاعان.

«بەرىك سەرىكتەستىگىمىزدىڭ ارقاسىندا سوڭعى 12 اي ىشىندەگى قول جەتكىزگەن جارقىن جەتىستىكتەرىمىزدى زور قۋانىشپەن اتاپ وتكىم كەلەدى. ءبىزدىڭ يادرولىق قارۋدى تاراتپاۋدان باستاپ تەرروريزمگە قارسى كۇرەسكە دەيىنگى ماسەلەلەردى شەشۋ ىسىندەگى ىنتىماقتاستىعىمىز الەمدى ەداۋىر قاۋىپسىز ءارى تۇراقتى ەتتى»، - دەلىنگەن جەدەلحاتتا.

دونالد ترامپ قاسىم-جومارت توقايەۆتىڭ قازاقستان پرەزيدەنتى رەتىندە تاۋەلسىزدىك مەرەكەسىن العاش اتاپ ءوتىپ وتىرعانىن ايتىپ، جاڭا جىلدىڭ تابىستى بولۋىنا تىلەكتەستىك بىلدىرگەن.

«امەريكا قۇراما شتاتتارى سىزبەن جانە قازاقستان حالقىمەن جەمىستى جۇمىس ىستەۋگە دايىن. ءسىزدىڭ كۇش-جىگەرىڭىزدىڭ ارقاسىندا قازاقستاننىڭ بولاشاعى جارىق ءارى تابىستى بولادى دەپ سەنەمىن»، - دەلىنگەن ا ق ش پرەزيدەنتىنىڭ قۇتتىقتاۋىندا.

ءۇندىستان پرەزيدەنتى رام نات كوۆيند ءوز قۇتتىقتاۋىندا مەملەكەتتەر اراسىنداعى ءوزارا بايلانىستاردىڭ تاريحي ارقاۋى بەرىك ەكەنىن اتاپ ءوتىپ، قازاقستاننىڭ ءوسىپ-وركەندەي بەرۋىنە نيەتتەستىك تانىتقان.

«ءۇندىستان مەن قازاقستان اراسىنداعى قارىم-قاتىناستار عاسىرلار بويى جالعاسىپ كەلە جاتقان تاريحي جانە مادەني بايلانىستارعا نەگىزدەلگەن. ەكى ەل اراسىنداعى كوپجاقتى جانە ەكىجاقتى قاتىناستار ستراتەگيالىق سەرىكتەستىككە ۇلاستى. ىنتىماقتاستىعىمىز ودان ءارى نىعايا تۇسەتىنىنە سەنىمدىمىن»، - دەلىنگەن قۇتتىقتاۋ حاتتا.

يسپانيا كورولى فەليپە ءوز قۇتتىقتاۋ حاتىندا يسپان حالقى مەن ۇكىمەتىنىڭ اتىنان قاسىم- جومارت توقايەۆتى تاۋەلسىزدىك كۇنىمەن قۇتتىقتاپ، دوستاس قازاقستان جۇرتىنا بەيبىتشىلىك جانە باق-بەرەكە تىلەدى.

سينگاپۋر رەسپۋبليكاسىنىڭ پرەزيدەنتى حاليما ياكوب قاسىم-جومارت توقايەۆتى جانە قازاقستان حالقىن تاۋەلسىزدىك كۇنىمەن قۇتتىقتادى.

«سينگاپۋر مەن قازاقستان اراسىندا جاقسى دوستىق قارىم-قاتىناس ورناعان. ەكى ەل اراسىندا تاۋار اينالىمى ۇلعايىپ، قۇقىق جانە قارجى سالالارىنداعى ىنتىماقتاستىقتىڭ نىعايىپ كەلە جاتقانىنا قۋانىشتىمىن. حالىقتارىمىزدىڭ يگىلىگى ءۇشىن وزىڭىزبەن بىرلەسىپ جۇمىس ىستەۋگە جانە بايلانىستارىمىزدى ودان ءارى ارتتىرا تۇسۋگە نيەتتىمىز»، - دەپ جازعان حاليما ياكوب.

مەملەكەت باسشىسى مەن قازاقستان حالقىن تاۋەلسىزدىك كۇنىمەن قۇتتىقتاپ، باق-بەرەكە تىلەگەن جەدەلحات اۆستريا پرەزيدەنتى الەكساندر ۆان دەر بەللەننەن دە كەلىپ ءتۇستى.

«ەكى ەل اراسىنداعى بارلىق سالا بويىنشا قارقىندى دامىپ كەلە جاتقان ىقپالداستىقتى، ونىڭ ىشىندە، ەكونوميكالىق ىنتىماقتاستىقتى تابىستى دامىتا بەرەمىز دەپ سەنەمىن»، - دەلىنگەن جەدەلحاتتا.

اۆستراليا وداعىنىڭ گەنەرال- گۋبەرناتورى دەۆيد حەرلي ءوز قۇتتىقتاۋ حاتىندا مەملەكەتتەر اراسىنداعى ەكىجاقتى دوستىق قاتىناستاردىڭ ودان ءارى دامي بەرەتىنىنە سەنىم بىلدىرگەن.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات