+7 (701) 759 90 19
16 °С : نۇر-سۇلتان
14 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قاسىم-جومارت توقايەۆ قازاقستاندىقتاردى تاۋەلسىزدىك كۇنىمەن قۇتتىقتادى

13 جەلتوقسان 12:34
:ءبولىسۋ
قاسىم-جومارت توقايەۆ قازاقستاندىقتاردى تاۋەلسىزدىك كۇنىمەن قۇتتىقتادى

نۇر-سۇلتان. قازاقپارات - بۇگىن ق ر پرەزيدەنتىنىڭ «التىن ساپا» سىيلىعىن تاپسىرۋ راسىمىندە مەملەكەت باسشىسى قاسىم-جومارت توقايەۆ قازاقستاندىقتاردى تاۋەلسىزدىك كۇنىمەن قۇتتىقتادى، دەپ حابارلايدى قازاقپارات ءتىلشىسى.

«ەڭ الدىمەن، بارشاڭىزدى كەلە جاتقان قاسيەتتى تاۋەلسىزدىك كۇنىمەن شىن جۇرەكتەن قۇتتىقتايمىن! بۇل - ەگەمەن ەلىمىزدىڭ مارتەبەسىن ارتتىرعان ۇلى مەيرام. ءبىز ءۇشىن تاۋەلسىزدىكتەن اسقان قۇندىلىق جوق. ونى باعالاي ءبىلۋ بۇگىنگى جانە وسكەلەڭ ۇرپاقتىڭ مىندەتى. وسى ورايدا ەلباسى نۇرسۇلتان نازاربايەۆتىڭ تەڭدەسسىز ءرولىن ەشقاشان ۇمىتپاۋىمىز كەرەك. تۇڭعىش پرەزيدەنتىمىز، مەملەكەتىمىزدىڭ نەگىزىن قالاۋشى، تاريحي جانە الەمدىك دەڭگەيدەگى تۇلعا»، - دەدى مەملەكەت باسشىسى.

قازاقستان پرەزيدەنتى تاۋەلسىزدىكتى نىعايتۋدىڭ نەگىزگى جولى ەكونوميكانى كۇشەيتىپ، ءوندىرىس كولەمىن ارتتىرۋ ەكەندىگىن باسا ايتتى.

«سوندا عانا جارقىن بولاشاققا جول اشامىز. مەملەكەت ەلىمىزدى دامىتۋعا اتسالىسقان بيزنەس وكىلدەرىنىڭ ەڭبەگىن ەلەۋسىز قالدىرمايدى. بۇل رەتتە تۇڭعىش پرەزيدەنتىمىزدىڭ باستاماسىمەن يندۋستريالاندىرۋ كۇنىن اتاپ ءوتۋ جاقسى داستۇرگە اينالعانىن بىلەسىزدەر. ەلباسى يندۋستريالدىق- يننوۆاتسيالىق دامۋ جولىن وتاندىق ەكونوميكانىڭ نەگىزگى باعىتى رەتىندە ايقىندادى. ەل ەكونوميكاسى ارتقان سايىن مەملەكەتىمىزدىڭ ىرگەسى دە بەرىك بولارى ءسوزسىز. وسىعان وراي كوپتەگەن اۋقىمدى جۇمىستار اتقارىلىپ وتىر. ماڭىزدى جوبالار قولعا الىندى. مۇنىڭ ءبارى قازاقستاندى دامىعان وزىق 30 ەلدىڭ قاتارىنا قوسۋ ءۇشىن جاسالىپ وتىر»، - دەدى قاسىم-جومارت توقايەۆ.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات