ارمەنيادا كولىك ساتىپ العان قازاقستان ازاماتتارىنا جالعان قۇجاتتار بەرىلىپ كەلگەن
بۇل تۋرالى «قازاقپارات» ح ا ا مەنشىكتى ءتىلشىسى ارمەنيا رەسپۋبليكاسى ۇ ق ق باسپا ءسوز قىزمەتىنە سىلتەمە جاساپ حابارلايدى.
ارمەنيانىڭ ۇلتتىق قاۋىپسىزدىك قىزمەتى جەدەل-ىزدەستىرۋ شارالارى بارىسىندا انىقتاعانداي، ەلدەگى جاۋاپكەرشىلىگى شەكتەۋلى قوعامداستىقتىڭ ديرەكتورى گازباللوندى جابدىعى بار كولىكتەردى باسقارۋعا كۋالىكتەردىڭ جالعان كوشىرمەلەرىن، سونداي-اق اۆتوكولىككە گازباللوندى جابدىق ورناتىلماستان، وعان سەرتيفيكاتتار بەرىپ كەلگەن. بۇل جالعان قۇجاتتار كەيىننەن ارمەنيادا كولىك العان قازاقستان مەن رەسەي ازاماتتارىنا ساتىلىپ كەلگەن.
بۇدان بولەك، ا ر ۇ ق ق وسى ەلدە اۆتوموبيل ساتىپ العان قازاقستان مەن رەسەي ازاماتتارىنا تەحنيكالىق تەكسەرۋدەن ءوتۋ تۋرالى جالعان تالونداردى وتكىزىپ كەلگەن ارمەنيالىقتى انىقتادى.
اتالعان فاكتىلەر بويىنشا ا ر ۇ ق ق تەرگەۋ باسقارماسى قىلمىستىق ءىس قوزعادى. تەرگەۋ ءجۇرىپ جاتىر.