ۇكىمەت باسشىسى «التىن ساپا» سىيلىعى لاۋرەاتتارىن ماراپاتتادى
پرەمەر- مينيستر «التىن ساپا» مۇسىنشەلەرىن «وندىرىستىك ماقساتتاعى ۇزدىك كاسىپورىن» اتالىمىنداعى كاسىپورىندارعا تابىستادى. ولاردىڭ قاتارىندا «الماتى اۋىر ماشينا جاساۋ زاۋىتى»، «ورال ترانسفورماتور زاۋىتى»، «AZAM- KC» ج ش س بار.
سونىمەن قاتار، اسقار مامين «پارىز» بيزنەستىڭ الەۋمەتتىك جاۋاپكەرشىلىگى بويىنشا جىل سايىنعى بايقاۋىنىڭ جەڭىمپازدارىنا قۇرمەت كورسەتتى. وسى ورايدا «ەڭبەكتى قورعاۋ سالاسىنداعى ۇزدىك كاسىپورىن» اتالىمىندا ءىرى كاسىپكەرلىك سۋبەكتىلەرى اراسىندا س. م. كيروۆ اتىنداعى «ماشينا جاساۋ زاۋىتى» ا ق، «ۇزدىك ۇجىمدىق شارت» اتالىمىندا «اقسايگازسەرۆيس» ا ق، سونداي-اق «قورشاعان ورتاعا قوسقان ۇلەسى ءۇشىن» اتالىمى بويىنشا «بايكەن- U» ج ش س ىرىكتەلدى.
مۇنىمەن قوسا، ۇكىمەت باسشىسى «Altyn Oimaq» گران-پري جۇلدەسىن الينا دانيلوۆاعا تابىستادى.
بۇدان بۇرىن حابارلانعانداي، بۇگىن ەلوردادا «ALTYN OIMAQ» كيىم ديزاينەرلەرىنىڭ ۇلتتىق بايقاۋىنىڭ لاۋرەاتتارى ماراپاتتالدى.
بايقاۋ ماقساتى - كيىم-كەشەك جانە اشەكەيلەردىڭ ۇلتتىق برەندتەرىن قالىپتاستىرۋ مەن ناسيحاتتاۋ، جاڭا ەسىمدەر مەن برەندتەردى اشۋ جانە قولداۋ، سونىمەن قاتار قازاقستاندىق جەڭىل ونەركاسىپتى دامىتۋ مەن سۇرانىسىن ىنتالاندىرۋ.
اۆتور: رۋسلان عابباسوۆ