«استانا» كومانداسى بيىلعى ەۋروماۋسىمدا قانشا تابىس تاپتى

نۇر- سۇلتان. قازاقپارات - «استانا» وسى ەۋروماۋسىمداعى ويىنىن اياقتادى.

بۇل تۋرالى قازاقپارات Sports.kz سايتىنا سىلتەمە جاساپ حابارلايدى.

قازاقستان كلۋبى وسى ماۋسىمدا 4,31 ميلليون ەۋرو قارجى تاپتى. «استانا» 2019/20 ماۋسىمىنداعى ەۋروكۋبوكتاعى جولىن چەمپيوندار ليگاسىندا باستادى، الايدا ءبىرىنشى ىرىكتەۋ كەزەڭىندە «چ ف ر كلۋج» كومانداسىنا (2:3) ەسە جىبەردى - كلۋب تۋرنيردىڭ وسى كەزەڭىنە قاتىسقانى ءۇشىن 280 مىڭ ەۋرو الدى.

كەيىن «استانا» ەۋروپا ليگاسىنا ۇشىپ بارىپ، مىناداي تابىس تاپتى:

ەل ەكىنشى كەزەڭى - 260 مىڭ ەۋرو («سانتا- كولومانى» جەڭدى - 4:1)،

ەل ءۇشىنشى كەزەڭى - 280 مىڭ ەۋرو («ۆاللەتتانى» جەڭدى - 9:1).

«استانا» پلەي- وفف ماتچتا ب ا ت ە-دەن باسىم ءتۇستى (3:2)، الايدا تۋرنيردىڭ بۇل كەزەڭىندە ەشقانداي اقى تولەنبەدى. دەگەنمەن، ەلوردالىق كلۋب ءوز بيۋدجەتىن ەل توبىنا شىققانى ءۇشىن 2,92 ميلليون ەۋرومەن تولىقتىردى.

«استانا» توپتىق ويىندا ءبىر رەت قانا جەڭىپ («مانچەستەر يۋنايتەدتى» 2:1 ەسەبىمەن)، 570 مىڭ ەۋرو الدى.

وسىلايشا، جالپى سوما 4,31 ميلليون ەۋرونى قۇرادى. سونداي-اق، «استانا» ماۋسىمنىڭ قورىتىندىسى بويىنشا ماركەتينگتىك جانە تەلەقۇقىق ساتىلىمنان تۇسكەن تولەم پروتسەنتىنە يە بولادى.