ق ر پرەزيدەنتىنىڭ «التىن ساپا» سىيلىعى تابىستالادى

نۇر-سۇلتان. قازاقپارات - بۇگىن ەلوردادا ق ر پرەزيدەنتىنىڭ «التىن ساپا» سىيلىعى لاۋرەاتتارىن ماراپاتتاۋ شاراسى وتەدى، دەپ حابارلايدى قازاقپارات ءتىلشىسى.

الدىمەن ق ر پرەمەر- ءمينيسترى اسقار ماميننىڭ قاتىسۋىمەن «ALTYN OIMAQ» ديزاينەرلەردىڭ ۇلتتىق بايقاۋى، «بيزنەس كەمەلدىلىك»، «ىسكەر»، «ۇلى دالا ەلى» بايقاۋلارىنىڭ جەڭىمپازدارىن ماراپاتتاۋ شاراسى بولادى.

ودان كەيىن مەملەكەت باسشىسى قاسىم-جومارت توقايەۆتىڭ قاتىسۋىمەن قازاقستان رەسپۋبليكاسى پرەزيدەنتىنىڭ «التىن ساپا» سىيلىعى بايقاۋىنىڭ جەڭىمپاز- لاۋرەاتتارى جانە «قازاقستاننىڭ ۇزدىك تاۋارى» رەسپۋبليكالىق كورمە-بايقاۋىنىڭ ديپلومانتتارى، سونداي-اق «پارىز» بيزنەستىڭ الەۋمەتتىك جاۋاپكەرشىلىگى بويىنشا جىل سايىنعى رەسپۋبليكالىق بايقاۋى جەڭىمپازدارى ماراپاتتالماق.

ق ر پرەزيدەنتىنىڭ «التىن ساپا» سىيلىعىنا ۇمىتكەرلەر «وندىرىستىك ماقساتتاعى ۇزدىك كاسىپورىن»، «حالىققا ارنالعان تاۋارلاردى شىعاراتىن ۇزدىك كاسىپورىن»، «قىزمەت كورسەتەتىن ۇزدىك كاسىپورىن»، «ازىق-تۇلىك جانە/نەمەسە اۋىل شارۋاشىلىعى ونىمدەرىن شىعاراتىن ۇزدىك كاسىپورىن» اتالىمدارى بويىنشا ىرىكتەلەدى.

ال قازاقستاندا العاش رەت وتكەن «ALTYN OIMAQ»  كيىم ديزاينەرلەرىنىڭ ۇلتتتىق بايقاۋىنىڭ جەڭىمپازدارى «ۇلتتىق ويۋ-ورنەكپەن كومكەرىلگەن ىسكەرلىك كيىمنىڭ ۇزدىك ديزاينى» ، «ۇلتتىق ويۋ- ورنەكپەن كومكەرىلگەن سپورت كيىمنىڭ ۇزدىك ديزاينى»، «ۇلتتىق ويۋ- ورنەكپەن كومكەرىلگەن بالالار كيىمىنىڭ ۇزدىك ديزاينى»، «ۇلتتىق ويۋ-ورنەكپەن كومكەرىلگەن ۇيگە ارنالعان تەكستيلدىڭ ۇزدىك ديزاينى»، «ۇلتتىق ويۋ-ورنەكپەن كومكەرىلگەن اكسەسسۋاردىڭ ۇزدىك ديزاينى»، «سپورت اياق كيىمىنىڭ ۇزدىك كاستوم ديزاينى» اتالىمدارىندا ماراپاتتالادى.

«پارىز» بيزنەستىڭ الەۋمەتتىك جاۋاپكەرشىلىگى بويىنشا رەسپۋبليكالىق بايقاۋىنىڭ جەڭىمپازدارى ءۇش كاتەگوريادا (شاعىن، ورتا جانە ءىرى بيزنەس) «ۇزدىك الەۋمەتتىك جاۋاپتى كاسىپورىن»، «ەڭبەكتى قورعاۋ سالاسىنداعى ۇزدىك كاسىپورىن»، «ۇزدىك ۇجىمدىق كەلىسىمشارت» جانە «ەكولوگياعا قوسقان ۇلەسى ءۇشىن» سىندى اتالىمداردا انىقتالادى.

اۆتور: مارلان جيەمباي