اتىراۋ اۋەجايىنا قازاقتىڭ جالعىز ۇشقىش قىزى حيۋازدىڭ ەسىمى بەرىلۋى مۇمكىن

اتىراۋ. قازاقپارات - اتىراۋ حالىقارالىق اۋەجايىنا حيۋاز دوسپانوۆانىڭ ەسىمى بەرىلۋى مۇمكىن، دەپ حابارلايدى قازاقپارات ءتىلشىسى.

«اتىراۋ حالىقارالىق اۋەجايى» اكسيونەرلىك قوعامىنا حيۋاز دوسپانوۆانىڭ ەسىمى بەرىلسىن»، - دەلىنگەن ۇكىمەتتىڭ ەلەكتروندى پورتالىندا جاريالانعان قاۋلى جوباسىندا.

ايتا كەتسەك، حيۋاز دوسپانوۆا - (1922-2008) - ەكىنشى دۇنيەجۇزىلىك سوعىسقا قاتىسقان جالعىز قازاق ۇشقىشى، شتۋرمان- وق اتۋشى. قازاقستان رەسپۋبليكاسىنىڭ حالىق قاھارمانى. 1922 -جىلى 15-مامىردا گۋريەۆ وبلىسى (اتىراۋ) گانيۋشكينو اۋىلىندا تۋعان. 1940 -جىلى ورال قالاسىنداعى №1-ورتا مەكتەبىن التىن مەدالمەن بىتىرگەن. ول مەكتەپتە وقىپ جۇرگەن كەزدە جەرگىلىكتى اەروكلۋبقا بارىپ، اتتەستاتپەن بىرگە زاپاستاعى ۇشقىش كۋالىگىن العان. ونىڭ ەسىمى Air Astana اۋە كومپانياسىنىڭ Embraer 190 لاينەرىنە بەرىلگەن.

اۆتورى: ا. سوكولوۆ