+7 (701) 759 90 19
-7 °С : نۇر-سۇلتان
-7 °С : الماتى
USD 376.42 EUR 417.41
RUB 6.09 CNY 54.54
جاڭالىقتار

ەلىمىزدەگى ۇزدىك كيىم ديزاينەرلەرى ماراپاتتالدى

13 جەلتوقسان 11:50
:ءبولىسۋ
ەلىمىزدەگى ۇزدىك كيىم ديزاينەرلەرى ماراپاتتالدى

نۇر-سۇلتان. قازاقپارات - بۇگىن ەلوردادا «ALTYN OIMAQ» كيىم ديزاينەرلەرى ۇلتتىق بايقاۋىنىڭ لاۋرەاتتارى ماراپاتتالدى، دەپ حابارلايدى قازاقپارات ءتىلشىسى.

بايقاۋ قورىتىندىسى بويىنشا، «ۇلتتىق ويۋ-ورنەكپەن كومكەرىلگەن ىسكەرلىك كيىمنىڭ ۇزدىك ديزاينى» اتالىمىندا ەلميرا بيتۋرەيەۆا (الماتى)، «ۇلتتىق ويۋ-ورنەكپەن كومكەرىلگەن بالالار كيىمىنىڭ ۇزدىك ديزاينى» اتالىمىندا ايناگۇل مازينوۆا (اقتوبە وبلىسى)، «ۇلتتىق ويۋ- ورنەكپەن كومكەرىلگەن ۇيگە ارنالعان تەكستيلدىڭ ۇزدىك ديزاينى» اتالىمىندا ەۆگەنيا جانداربايەۆا (نۇر-سۇلتان) جەڭىمپازدار قاتارىنان كورىندى.

مۇنىمەن قوسا، «ۇلتتىق اشەكەيلەردىڭ ۇزدىك ديزاينى» اتالىمىندا ساكەن قارجاۋبايەۆ (جاڭاوزەن)، «سپورت اياق كيىمىنىڭ ۇزدىك كاستوم- ديزاينى» الاتىمىندا ءايبيبى ابۋوۆا (نۇر-سۇلتان) جەڭىمپاز اتاندى.

بايقاۋ ماقساتى - كيىم-كەشەك جانە اشەكەيلەردىڭ ۇلتتىق برەندتەرىن قالىپتاستىرۋ مەن ناسيحاتتاۋ، جاڭا ەسىمدەر مەن برەندتەردى اشۋ جانە قولداۋ، سونىمەن قاتار قازاقستاندىق جەڭىل ونەركاسىپتى دامىتۋ مەن سۇرانىسىن ىنتالاندىرۋ.

وسى ورايدا لاۋرەاتتاردى انىقتاۋ ماقساتىندا ۇ ك پ 11 ادامنان تۇراتىن كوميسسيا قۇرامى بەكىتىلدى.

ءبىرىنشى كەزەڭ قورىتىندىسى بويىنشا كوميسسيا بايقاۋدىڭ 12 ۇمىتكەرىن، ياعني ءار اتالىمدا ەكى ۇمىتكەردەن انىقتايدى. كوميسسيا شەشىمى حاتتامامەن راسىمدەلەدى. 2 كەزەڭدە 12 ۇمىتكەر www.altynoimaq.kz سايتى ارقىلى قوعامدىق داۋىس بەرۋگە شىعارىلادى. قوعامدىق داۋىس بەرۋ ەڭ كەمى ون كۇنتىزبەلىك كۇن ىشىندە جۇزەگە اسىرىلادى. داۋىس بەرۋ ناتيجەسىندە ەڭ كوپ بالل جيناعان بايقاۋدىڭ التى لاۋرەاتى انىقتالادى.

3-كەزەڭدە التى لاۋرەات ىشىندە كوميسسيا ءبىر گران-پري يەگەرىن انىقتايدى. «ALTYN OIMAQ» گران-پريى ماراپاتتاۋ بەلگىسى جانە ديپلومدى قامتيدى.

ايتا كەتەيىك، «ALTYN OIMAQ» كيىم ديزاينەرلەرىنىڭ ۇلتتىق بايقاۋى تۋرالى ەرەجە «اتامەكەن» قر ۇلتتىق كاسىپكەرلەر پالاتاسىنىڭ 2019 -جىلعى 6-ناۋرىزداعى №49-بۇيرىعىمەن بەكىتىلگەن. بايقاۋ لاۋرەاتى اتاعىن ۇلتتىق كاسىپكەرلەر پالاتاسى بايقاۋ قورىتىندىسى بويىنشا تاعايىندايدى.

اۆتور: رۋسلان عابباسوۆ


باستى سوزدەر: قوعام, ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات