دەپۋتاتتار توبەلەسى ۆيدەوعا ءتۇسىپ قالدى
ۋكراينانىڭ جوعارعى راداسىندا جاپپاي توبەلەس بولدى، - دەپ حابارلايدى «112 ۋكراينا» تەلەارناسى.
وقيعا اگرارلىق ساياسات پارلامەنتتىك كوميتەتىنىڭ وتىرىسىنان كەيىن بولعان. وتىرىستا 2020 قازان اۋىلشارۋاشىلىق جەرلەردى ساتىلىمعا شىعارۋ بويىنشا ماراتوريدى الىپ تاستاۋ زاڭ جوباسى قارالىپ، شەتەلدىكتەردىڭ ساتىپ الۋىنا تىيىم سالۋدى 2024 -جىلعا دەيىن سوزۋ تالقىلانعان.
«سلۋگا نارودا» اتىنان شىققان دەپۋتات اندرەي بوگدانەتس پەن «سۆوبودا» پارتياسىنىڭ بۇرىنعى دەپۋتاتتارى يگور ميروشنيچەنكو جانە ەدۋارد لەونوۆپەن جانجالداسىپ، توبەلەسكەن. توبەلەستى بوگدانەتس باستاعان. تەلەارنا جاريالاعان ۆيدەودا پارلامەنت دالىزىندە ءبىر توپ ادامنىڭ «سلۋگا نارودا» وكىلىنە سوققى جۇمساعانىن بايقاۋعا بولادى. سونداي-اق كۋاگەرلەر دەپۋتاتتاردى اجىراتىپ الەك. كەيبىرەۋلەرى جانىندا تۇرىپ، وسى وقيعانى تەلەفون كامەراسىنا تۇسىرگەن.
«سلۋگا نارودا» پارتياسىنىڭ دەپۋتاتى وقيعا سالدارىنان اۋرۋحاناعا تۇسكەن، ونىڭ ميى شايقالعان بولۋى مۇمكىن. پوليتسيا اتالعان وقيعاعا قاتىستى تەرگەۋ شارالارىن باستادى.