ەلدە ەت پەن نان قىمباتتاۋى مۇمكىن - ۇلتتىق بانك ءتوراعاسى

نۇر- سۇلتان. قازاقپارات - ۇلتتىق بانك ءتوراعاسى ەربولات دوسايەۆ قازاقستاندا الداعى ۋاقىتتا ەت پەن ناننىڭ قىمباتتاۋىنا نە سەبەپ بولاتىنىن ايتىپ ءوتتى، دەپ حابارلايدى قازاقپارات ءتىلشىسى.

ۇكىمەت زەينەتاقى اكتيۆتەرىن جەكە باسقارۋعا بەرۋ ماسەلەسىن قاراستىرىپ جاتىر ەسكى بانكنوتتاردى ايىرباستاۋ 2020 -جىلى توقتاتىلادى - ۇلتتىق بانك ۇلتتىق بانك ينفلياتسيا دەڭگەيىنە قاتىستى تۇسىنىك بەردى

«قاراشادا جىلدىق ينفلياتسيا ءبىزدىڭ كۇتكەنىمىزدەن تومەن قالىپتاسىپ، 5,4 پايىزدىق كورسەتكىشتە بولدى. مۇنداعى ءوسىمدى ازىق- تۇلىك تاۋارلارى قوسىپ وتىر. ولار ءبىر جىلدا 9,7 پايىزعا قىمباتتادى. نان- توقاش ونىمدەرى مەن جارما باعاسىنىڭ 15,5 پايىزعا، ەت جانە ەت ونىمدەرىنىڭ 13,4 پايىزعا، بالىق پەن تەڭىز ونىمدەرىنىڭ 12,2 پايىزعا ءوسۋى ەرەكشە بايقالادى»، - دەدى دوسايەۆ بۇگىنگى ۇكىمەت وتىرىسىندا.

ۇ ب ءتوراعاسىنىڭ ايتۋىنشا، حالىق كىرىسىنىڭ ۇلعايۋى اياسىندا ىشكى سۇرانىستاعى ءوسىم مەن فيسكالدىق ىنتالاندىرۋدىڭ ساقتالۋى - ينفلياتسيا ءوسىمىنىڭ نەگىزگى تاۋەكەلدەرى بولىپ وتىر.

«قىسقا مەرزىمدى كەزەڭدە ازىق- تۇلىكتىڭ كەيبىر تۇرلەرى، اتاپ ايتقاندا، ءداندى- داقىلداردىڭ، سونداي- اق ەاەو شەڭبەرىندە جاڭا تالاپتاردىڭ ەنگىزىلۋى اياسىندا ءسۇت ءونىمىنىڭ قىمباتتاۋىنا بايلانىستى ەت پەن نان قىمباتتاۋى مۇمكىن»، - دەدى ول.