+7 (701) 759 90 19
20 °С : نۇر-سۇلتان
24 °С : الماتى
USD 409.98 EUR 462.21
RUB 5.75 CNY 58.43
جاڭالىقتار

اسقار مامين جۇمىسى باياۋ اكىمدەردى سىنعا الدى

13 جەلتوقسان 10:07
:ءبولىسۋ
اسقار مامين جۇمىسى باياۋ اكىمدەردى سىنعا الدى

نۇر-سۇلتان. قازاقپارات - ۇكىمەت باسشىسى اسقار مامين جۇمىسى باياۋ اكىمدىكتەردى سىنعا الدى، دەپ حابارلايدى قازاقپارات ءتىلشىسى.

«ەلباسى نۇرسۇلتان نازاربايەۆ پەن مەملەكەت باسشىسى قاسىم-جومارت توقايەۆ الدىمىزعا ەكونوميكانىڭ تۇراقتى ءوسىمىن قامتاماسىز ەتۋ مىندەتىن قويدى. بيىلعى جىلدىڭ 11-ايىنىڭ قورىتىندىسىن وتكەن جىلدىڭ وسىنداي كەزەڭىمەن سالىستىرعاندا جالپى ىشكى ءونىم 4,4 پايىزعا ءوستى. قۇرىلىس - 12,1 پايىزعا، ساۋدا- ساتتىق - 7,5 پايىزعا، كولىك سالاسى - 5,6 پايىزعا، وڭدەۋشى سەكتور، سونىڭ ىشىندە ماشينا جاساۋ - 9 پايىزعا، اۆتوكولىك قۇراۋ - 64 پايىزعا، جەڭىل ونەركاسىپ 16,6 پايىزعا وسكەنى بايقالادى. سالالىق مينيسترلىكتەر مەن وڭىرلەردىڭ باسشىلارىنا كورسەتكىشتەردى جوسپارلى دەڭگەيگە جەتكىزۋ ءۇشىن بارلىق قاجەتتى شارانى قابىلداۋدى تاپسىرامىن»، - دەدى اسقار مامين بۇگىنگى ۇكىمەت وتىرىسىندا.

پرەمەر-ءمينيستردىڭ ايتۋىنشا، جىل باسىنان بەرى ەكونوميكانىڭ نەگىزگى بازالىق ءوسۋ كورسەتكىشتەرى بويىنشا اقتوبە، جامبىل، شىعىس قازاقستان، قاراعاندى جانە تۇركىستان وبلىستارىنىڭ اكىمدىكتەرى جاقسى جۇمىس اتقارعان.

«كورسەتكىشتەرى ورتاشا جانە رەسپۋبليكالىق دەڭگەيدەن تومەن وڭىرلەرگە قىزىلوردا، باتىس قازاقستان، قوستاناي، ماڭعىستاۋ وبلىستارى مەن نۇر-سۇلتان، شىمكەنت قالالارىنىڭ اكىمدەرىنە ايتارىم: سىزدەردىڭ كورسەتكىشتەرىڭىز جىل قورىتىندىسى بويىنشا ەلدەگى ورتاشا كورسەتكىشتى تومەندەتەدى. ءتيىستى قورىتىندى شىعارىپ، ناقتى شارالاردى قابىلداۋلارىڭىز قاجەت. ورىندالعان جۇمىستاردىڭ اكتىلەرىن جىل سوڭىنا دەيىن تاپسىرۋدى قامتاماسىز ەتىڭىزدەر»، - دەدى ول.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات