قازاقپارات كۇنتىزبەسى. بۇگىن گولوۆكيننىڭ ەسىمى گيننەستىڭ رەكوردتار كىتابىنا ەنگەن كۇن
اتاۋلى كۇندەر
ەستە قالار وقيعالار
1991 -جىلى اشحاباد قالاسىندا (تۇرىكمەنستان) س س ر و قۇرامىنداعى (بولعان) ورتالىق ازيانىڭ بەس مەملەكەتى - قازاقستان، قىرعىزستان، تاجىكستان، تۇرىكمەنستان جانە وزبەكستان پرەزيدەنتتەرى كەزدەستى. كەزدەسۋ قورىتىندىسىندا مەملەكەتتەر وداقتان تاراعان ەلدەرگە تەڭ قۇقىق بەرىپ، ولاردى قۇرىلتايشى رەتىندە مويىنداعان جاعدايدا ت م د قۇرامىنا كىرۋگە كەلىسىم بەرەتىنى ايتىلدى.
1993 -جىلى قازاقستان يادرولىق قارۋدان باس تارتاتىن مەملەكەت رەتىندە يادرولىق قارۋدى تاراتپاۋ تۋرالى كەلىسىمگە قوسىلۋ شەشىمىن قابىلدادى.
1995 -جىلى ساۋد ارابياسى كورولدىگىندە قازاقستان رەسپۋبليكاسىنىڭ ەلشىلىگى اشىلدى.
2004 -جىلى استانادا ۆوكزال الاڭىنا 1922 -جىلى شىعارىلعان رەسپۋبليكاداعى ەڭ ەسكى پاروۆوز قويىلدى. استانانىڭ تەمىرجول ۆوكزالىندا «باتىر- پاروۆوز» ەسكەرتكىشىن ورناتۋ تۋرالى قازاقستان پرەزيدەنتى ن. نازاربايەۆ 2004 -جىلعى 6 -تامىزدا تەمىرجولدىڭ 100 جىلدىعىنا ارنالعان سالتاناتتى جينالىستا ايتقان بولاتىن. پاروۆوز شۆەتسيادا جاسالعان. 1922-1982 -جىلدار ارالىعىندا قازاقستاننىڭ تەمىر جولدارىندا جانە باسقا بۇرىنعى وداقتاس رەسپۋبليكالاردىڭ ماگيسترال جولدارىندا پايدالانىلعان، ۇلى وتان سوعىسى جىلدارى مايدان ماڭىنداعى ۋچاسكەلەرگە جۇك تاسىمالداعان.
2007 -جىلى الماتىدا قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى، حالىق جازۋشى زەينوللا قابدولوۆ (1927-2006) تۇرعان ۇيگە ەسكەرتكىش تاقتا ورناتىلدى.
2013 -جىلى استانادا «جاس تۇلپار» العاشقى سىيلىعىن سالتاناتتى تۇردە تابىستاۋ ءراسىمى ءوتتى.
2013 -جىلى ەلىمىزدىڭ كىتاپ شىعارۋ ءىسى، باسپا-پوليگرافيا سالاسى، كىتاپحانا جۇيەسى قىزمەتكەرلەرىن، قالامگەرلەردى، سونىمەن بىرگە كىتاپ مادەنيەتىن ارتتىرۋعا زور ۇلەس قوسىپ جۇرگەن ەلىمىزدىڭ جانە شەتەلدىڭ كورنەكتى مادەنيەت، ساياسات قايراتكەرلەرىن، بيزنەس وكىلدەرىن ىنتالاندىرۋ ماقساتىندا «كىتاپ مادەنيەتىنە قوسقان زور ۇلەسى ءۇشىن» مەدالى بەكىتىلدى.
مەدالمەن ماراپاتتاۋ جىلىنا ەكى مارتە: قازاقستان رەسپۋبليكاسىنىڭ باسپا ءسوزى كۇنى (28 -ماۋسىم) جانە قازاقستان رەسپۋبليكاسىنىڭ تاۋەلسىزدىگى كۇنىنە وراي (16-جەلتوقسان) وتكىزىلەدى.
2013 -جىلى شىعىس قازاقستاندا مۇزتاۋ تاۋىنىڭ بوكتەرىندە «ءال-قۇددىس» مەشىتى سالىندى.
2014 -جىلى ساۋلەت ونەرىن دامىتۋعا، بەيبىتشىلىكتى جانە حالىقتار اراسىنداعى دوستىقتى، ءوزارا سەنىمدى نىعايتۋعا قوسقان ەرەكشە ۇلەسى ءۇشىن ساۋلەتشى نورمان فوستەرگە قازاقستان رەسپۋبليكاسى تۇڭعىش پرەزيدەنتى - ەلباسىنىڭ مەملەكەتتىك بەيبىتشىلىك جانە پروگرەسس سىيلىعى بەرىلدى.
2015 -جىلى تۇركى الەمى قورى اقىن، جازۋشى، مەملەكەت جانە قوعام قايراتكەرى ولجاس سۇلەيمەنوۆتى «جىل ادامى» دەپ تانىدى.
2016 -جىلى الماتىدا قازاقستان رەسپۋبليكاسىنىڭ ەگەمەندى مەملەكەت رەتىندەگى قۇقىقتىق مارتەبەسىن بەكىتكەن - كونستيتۋتسيالىق زاڭ قابىلدانعان تاريحي ورىن - بۇگىنگى قازاق- بريتان تەحنيكالىق ۋنيۆەرسيتەتى عيماراتىنىڭ الدىڭعى بەتىنە (بۇرىنعى جوعارعى كەڭەس) ەسكەرتكىش تاقتا ورناتىلدى.
2016 -جىلى قازاقستاندىق بوكسشى گەننادي گولوۆكيننىڭ ەسىمى گيننەستىڭ رەكوردتار كىتابىنا ەندى. گولوۆكين وسى ماراپاتقا ەڭ ۇزدىك نوكاۋتەر رەتىندە يە بولعان. وسى ۋاقىتقا دەيىن گەننادي 36 جەكپە-جەك وتكىزىپ، 33 كەزدەسۋدى نوكاۋتپەن اياقتاعان. وسىلايشا، قازاقستاندىق بوكسشىعا تيەسىلى نوكاۋتتاردىڭ سانى جالپى جەكپە-جەكتەردىڭ 91,6 پايىزىن قۇراپ وتىر. بۇل ورتا سالماقتاعى چەمپيونداردىڭ اراسىنداعى ەڭ ۇزدىك كورسەتكىش بولىپ سانالادى. وسىعان وراي، گولليۆۋدتا وتكەن بۇكىلالەمدىك بوكس كەڭەسىنىڭ (WBC) كەزەكتى كونۆەنتسياسىندا گەننادي گولوۆكينگە گيننەستىڭ رەكوردتار كىتابىنىنىڭ ءتيىستى كۋالىگى تابىستالدى.
2018 -جىلى الماتىدا «ەكىنشى دۇنيەجۇزىلىك سوعىستاعى قازاقتار: شەتەلدىك مۇراعاتتارداعى قۇجاتتار» اتتى 1-تومى قۇجاتتار جيناعىنىڭ تۇساۋى كەسىلدى. ءبىرىنشى تومدا ەۋروپا ەلدەرىندەگى ارحيۆتەردەن الىنعان ەكىنشى دۇنيەجۇزىلىك سوعىسقا قاتىسقان قازاقتار تۋرالى مالىمەتتەر جاريالانعان.
جيناق 15 شەتەلدىك ارحيۆ جانە ۇلى بريتانيا، فرانسيا، نورۆەگيا، رەسەي مەن فينليانديا ەلدەرىنىڭ كىتاپحانالارى جانە مۋزەيلەرىنەن الىنعان قۇجاتتاردان تۇرادى. سونىمەن قاتار، مايدانگەرلەردىڭ جەكە مۇراعاتتارىنان الىنعان قۇجاتتار ەنگەن. ماتەريالداردىڭ دەنى العاش رەت جاريالانىپ وتىر.