جىلدىڭ ەڭ ىقپالدى ايەلى بەلگىلى بولدى

استانا.قازاقپارات - گ ف ر كانتسلەرى انگەلا مەركەل وسىمەن توعىزىنشى رەت قاتارىنان Forbes امەريكالىق جۋرنالىنىڭ نۇسقاسى بويىنشا جىلدىڭ ەڭ ىقپالدى ايەلى دەپ تانىلدى، دەپ حابارلايدى قازاقپارات باسىلىمنىڭ سايتىنا سىلتەمە جاساپ.

 ەكىنشى ورىنعا ەۋروپالىق ورتالىق بانك ءتوراعاسى كريستين لاگارد شىقسا، ءۇشىنشى ورىن ا ق ش كونگرەسى وكىلدەر پالاتاسىنىڭ سپيكەرى نەنسي پەلوسيگە بۇيىردى. ەۋروكوميسسيا باسشىسى ۋرسۋلا فون دەر ليايەن ءتورتىنشى ورىنعا جايعاستى. ەڭ ىڭپالدى ايەلدەر بەستىگىنىڭ ءتىزىمىن General Motors امەريكالىق اۆتوكولىك كورپوراتسياسىنىڭ پرەزيدەنتى مەري باررا تۇيىندەدى. سونداي- اق العاشقى وندىقتىڭ تىزىمىنە Microsof كومپانياسىنىڭ نەگىزىن قالاۋشى بيلل گەيتستىڭ جۇبايى، فيلانتروپ مەليندا گەيتس، Fidelity Investments امەريكالىق قارجى كورپوراتسياسىنىڭ باسشىسى ابيگەيل دجونسون، Santander يسپاندىق بانك ديرەكتورلار كەڭەسىنىڭ ءتوراعاسى انا بوتين، IBM كورپوراتسياسىنىڭ پرەزيدەنتى دجينني رومەتتي، Lockheed Martin كومپانياسىنىڭ پرەزيدەنتىمەريلين حيۋسون كىرگەن.

www.24.kz