+7 (701) 759 90 19
7 °С : نۇر-سۇلتان
3 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

يزرايلدە شاراپ جاساۋ فاكۋلتەتى بار

12 جەلتوقسان 21:05
:ءبولىسۋ
يزرايلدە شاراپ جاساۋ فاكۋلتەتى بار

نۇر-سۇلتان. قازاقپارات – يزرايلدىڭ اريەل قالاسىنداعى ۋنيۆەرسيتەت - وسى ەلدەگى ەڭ جاس ءارى تەز دامىپ كەلە جاتقان ورىنىنىڭ ءبىرى، دەپ حابارلايدى «حابار 24».

1982 -جىلى قۇرىلعان ۋنيۆەرسيتەت عىلىمي زەرتتەۋلەر بويىنشا تانىمال وقۋ ورىندارىمەن بىردەي دەڭگەيدە. مۇندا ءتىپتى، شاراپ جاساۋ بويىنشا فاكۋلتەت بار.

اريەلدەگى ۋنيۆەرسيتەت - كەشەندى وقۋ ورنى. ول ءتىپتى، كەي كورسەتكىشتەر بويىنشا تاريحي ءارى كەڭىنەن تانىمال وقۋ ورىندارىنىڭ الدىنا ءتۇستى. جاڭا عيماراتتار، زەرتحانالار مەن جاتاقحانالار بىرىنەن كەيىن ءبىرى سالىنىپ، قولدانىسقا بەرىلىپ جاتىر. مۇندا ءتىپتى، تاياۋ شىعىستاعى جالعىز ەلەكتروندار ۇدەتكىشى بار.

ءتىپتى، ۋنيۆەرسيتەت ىشىندە ءوزىنىڭ شاراپ جاساپ شىعاراتىن ءوندىرىسى بار.

ەلياشيۆ دروري، اريەل ۋنيۆەرسيتەتىنىڭ شاراپ جاساۋ بويىنشا زەرتتەۋ ورتالىعىنىڭ مەڭگەرۋشىسى:

- مۇندا جاسالاتىن شاراپتار 5 تەكسەرۋدەن وتەدى. ءبىز ءجۇزىمدى جيناۋدان دايىن ءونىم شىعارعانعا دەيىنگى جۇمىستار بويىنشا كوپتەگەن ساراپتاما جۇرگىزەمىز. ۋنيۆەرسيتەتتىڭ شاراپ شىعاراتىن ءوندىرىسى شاعىن. مۇندا جىلىنا ءار سۇرىپتىڭ ونداعان داناسى عانا دايىندالادى. باستى نازار زەرتتەۋلەرگە اۋدارىلادى. وقۋ ورىنىندا ونىمەن جەكە ءبىر كافەدرا اينالىسادى. ال زەرتتەۋلەردىڭ ءبارى جۋرنالدار مەن عالامتوردا جاريالانىپ تۇرادى.

يتسحاك شاي، اريەل ۋنيۆەرسيتەتىنىڭ پروفەسسورى:

- قازىر ءجۇزىمدى جىل بويى ءوسىرىپ ساقتاۋعا بولادى. ءبىزدىڭ اتا- بابامىزدا مۇنداي مۇمكىندىك بولماعان. ولار ءونىمدى جيناعان سوڭ 2 ايداي عانا ساقتاي الاتىن. سودان كەيىن ءجۇزىمدى كەپتىرىپ، مەيىز، شاراپ جاساعان. قازبا جۇمىستار بۇل تەحنولوگيالار ءبىزدىڭ داۋىرىمىزدەن بۇرىن قولدانىلعانىن كورسەتەدى.

پالەستينا اۋماعىندا ورنالاسقان ۋنيۆەرسيتەتتە ءدارىس وقىعىسى كەلەتىن شەتەلدىك مۇعالىمدەر كوپ. ال وقۋ ورنىنىڭ عالىمدارى قاتەرلى ىسىككە قارسى ۆاكسينا شىعارۋعا جاقىن قالعان.

www.24.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات