+7 (701) 759 90 19
11 °С : نۇر-سۇلتان
22 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

التىن توبىلعى: ۇزدىك ادەبي شىعارمالاردىڭ اۆتورلارى ماراپاتتالدى

12 جەلتوقسان 20:30
:ءبولىسۋ
التىن توبىلعى: ۇزدىك ادەبي شىعارمالاردىڭ اۆتورلارى ماراپاتتالدى

نۇر- سۇلتان. قازاقپارات - ەلباسى قورى ۇزدىك ادەبي شىعارمالاردىڭ اۆتورلارىن ماراپاتتادى، دەپ حابارلايدى قازاقپارات قوردىڭ باسپا ءسوز قىزمەتىنە سىلتەمە جاساپ.

نازاربايەۆ ورتالىعىندا « التىن توبىلعى» ادەبي بايقاۋىنىڭ جەڭىمپازدارىن ماراپاتتاۋ ءراسىمى ءوتتى.

«ق ر تۇڭعىش پرەزيدەنتى - ەلباسىنىڭ قورى بۇل بايقاۋدى جىل سايىن 18 بەن 35 جاس ارالىعىنداعى جاس اقىن- جازۋشىلار اراسىندا وتكىزەدى. جوبا قازىرگى زامان ادەبيەتىنە قىزىعۋشىلىقتى ارتتىرىپ، جاستاردىڭ شىعارماشىلىعىن شىڭداۋعا باعىتتالعان. جىل سايىن بايقاۋعا قىزىعۋشىلىق ارتىپ كەلەدى. بيىل 170 جۇمىس ۇسىنىلدى، ال 2015 -جىلى 120 جۇمىس تاپسىرىلعان بولاتىن» دەلىنگەن حابارلامادا.

ۇزدىك شىعارمالار «جىلدىڭ ۇزدىك پروزاسى»، «جىلدىڭ ۇزدىك پوەزياسى»، «جىلدىڭ ۇزدىك بالالارعا ارنالعان شىعارماسى» ، «جىلدىڭ ۇزدىك دراماتۋرگياسى» جانە جاستار جىلىنا ارنالعان ارنايى جۇلدە «ۇلى دالانىڭ جاسامپاز ۇرپاعى» اتتى بەس نوميناتسيا بويىنشا انىقتالدى.

قازىلار القاسىنىڭ قۇرامىنداعى ەلىمىزدىڭ بەلگىلى مادەني قايراتكەرلەرى، جۋرناليستەر مەن جازۋشىلار ۇسىنىلعان جۇمىستاردى باعالاپ، شىعارمانىڭ كوركەمدىك ءستيلىن، ەموتسيونالدى جانە ەستەتيكالىق اسەردىڭ تەرەڭدىگىن، اۆتورلار ويىنىڭ جۇيەلىلىگىن، يدەياسىنىڭ وزىندىك ەرەكشەلىگىن باعالادى.

ماراپاتتاۋ راسىمىندە ق ر تۇڭعىش پرەزيدەنتى- ەلباسى قورىنىڭ اتقارۋشى ديرەكتورى اسەت يسەكەشيەۆ بايقاۋدى قورىتىندىلاپ، جاستارعا تىلەگىن جەتكىزدى: «بۇگىن ءبىز جۇزدەن جۇيرىك، مىڭنان تۇلپار شىققان جەڭىمپازداردى ماراپاتتايمىز. ەلباسى نۇرسۇلتان ءابىش ۇلى نازاربايەۆ «بولاشاققا باعدار: رۋحاني جاڭعىرۋ» ماقالاسىندا «سالت- داستۇرلەرىمىز، ادەبيەتىمىز، ۇلتتىق رۋحىمىز بويىمىزدا ماڭگى قالۋعا ءتيىس» دەگەن ەدى. «ۇلى دالانىڭ جەتى قىرى» ماقالاسىندا دا ەلباسى رۋحانياتقا كوپ كوڭىل ءبولدى. ۇلى حالىقتى وزدەرىڭىزدەي تالانتتى ۇرپاعى جاسايدى. بۇگىندە ەلىمىزدە دارىندى جاستارعا قولداۋ مىقتى. ەلباسى قورى قاشاندا شىعارماشىل جاستاردى قولداپ، ءتۇرلى بايقاۋلاردى ۇزدىكسىز وتكىزۋدە. الداعى ۋاقىتتا دا قور بۇل جۇمىستى جالعاستىرادى. سىزدەرگە شىعارماشىلىق شابىت تىلەيمىن! قازاق كوركەم ءسوز ونەرىنىڭ شەبەرلەرى كوبەيە بەرسىن!» .

ۇزدىك شىعارمالاردىڭ اۆتورلارىن اسەت يسەكەشيەۆ، ق ر پارلامەنتىنىڭ دەپۋتاتتارى، كورنەكتى قوعام قايراتكەرلەرى، مادەنيەت جانە ونەر قايراتكەرلەرى ماراپاتتادى.

«التىن توبىلعى» بايقاۋىنىڭ جەڭىمپازدارى:

- «جىلدىڭ ۇزدىك پروزاسى» نوميناتسياسى - قانات ءابىلقايىر، دوسحان جىلقىباي؛

- «جىلدىڭ ۇزدىك بالالارعا ارنالعان شىعارماسى» - مارات سەيىلحانوۆ، اسىلان تىلەگەن، ميراس اسان.

جوعارىدا اتالعان جەڭىمپازداردىڭ ءارقايسىسى 1 ميلليون تەڭگەدەن الدى.

جۇلدە قورى 2 ميلليون تەڭگەلىك «جىلدىڭ ۇزدىك پوەزياسى» جانە «جىلدىڭ ۇزدىك دراماسى» نوميناتسيالارىنىڭ جەڭىمپازدارى - بەكزات سمادياروۆ پەن ارشىن نۇرباقوۆ.

«ۇلى دالانىڭ جاسامپاز ۇرپاعى» نوميناتسياسىن نۇرتاس تۇرعانبەك جەڭىپ الدى. وعان 3 ميلليون تەڭگەنىڭ سەرتيفيكاتى تاپسىرىلدى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات