+7 (701) 759 90 19
30 °С : نۇر-سۇلتان
33 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

بۋرابايدا ساياتشىلاردىڭ حالىقارالىق تۋرنيرى ءوتىپ جاتىر

12 جەلتوقسان 19:32
:ءبولىسۋ
بۋرابايدا ساياتشىلاردىڭ حالىقارالىق تۋرنيرى ءوتىپ جاتىر

كوكشەتاۋ. قازاقپارات - اقمولا وبلىسىنىڭ بۋراباي كۋرورتىندا تاۋەلسىزدىك كۇنىنە جانە اتاقتى بۇركىتشى ءماسىپ باتىرحانوۆتى ەسكە الۋعا ارنالعان ساياتشىلاردىڭ «قانسونار-2019» حالىقارالىق تۋرنيرى ءوتىپ جاتىر، دەپ حابارلايدى قازاقپارات ءتىلشىسى.

تۋرنيرگە قازاقستاننىڭ 12 وبلىسىنان، سونداي- اق، ۆەنگريا، موڭعوليا، قىرعىزستان جانە رەسەي ەلدەرىنەن قۇس ءتىلىن بىلەتىن، اقسۇيەك ونەردى جانىنا سەرىك ەتكەن 45 ساياتشى قاتىسىپ، باق سىناۋدا.

ءتۋرنيردىڭ اشىلۋ سالتاناتىنا ايماق باسشىسى ەرمەك مارجىقپايەۆ قاتىسىپ، قۇتتىقتاۋ ءسوز سويلەدى.

«قازاقستان تاۋەلسىزدىگىن العاننان بەرى ەلىمىزدە ۇلتتىق سپورت تۇرلەرى مەن ويىندارى جاندانا باستادى. ونىڭ ىشىندە اقمولا وبلىسىندا ۇلتتىق سپورت تۇرلەرى كەڭىنەن قانات جايىپ كەلەدى. جەرلەس سپورت ساڭلاقتارى ءتۇرلى حالىقارالىق جانە رەسپۋبليكالىق جارىستاردا توپ جارىپ ءجۇر. بۇل وڭىردە ۇلتتىق سپورت تۇرلەرىنە كوڭىل ءبولىنىپ وتىرعانىن بىلدىرەدى. بۇگىنگى ساياتشىلاردىڭ «قانسونار-2019» حالىقارالىق ءتۋرنيرى - سونىڭ جارقىن كورىنىسى. بارشاڭىزدى الدا كەلە جاتقان تاۋەلسىزدىك مەرەكەسىمەن قۇتتىقتايمىن، ال، جارىسقا قاتىسۋشىلارعا تەك جەڭىس تىلەيمىن»، - دەدى ايماق باسشىسى ەرمەك مارجىقپايەۆ.

تۋرنير باعدارلاما بويىنشا «بۇركىتپەن اڭ اۋلاۋ» ، «سۇڭقارمەن اڭ اۋلاۋ» جانە «قارشىعامەن اڭ اۋلاۋ» سياقتى ءۇش كەزەڭنەن تۇرادى. ەرتەڭ ءتۋرنيردىڭ قورىتىندى كەزەڭى وتەدى.

بۇركىتشىلەر اراسىنداعى جەڭىمپازدارعا باس جۇلدەگە «نيۆا» اۆتوكولىگى تىگىلىپ وتىر. ال، ەكىنشى ورىنعا 500 مىڭ تەڭگە جانە ءۇشىنشى ورىنعا 300 مىڭ تەڭگە قاراستىرىلعان. سونىمەن قاتار، سۇڭقار جانە قارشىعا سالۋدان ءبىرىنشى ورىن العاندار 200 مىڭ تەڭگەدەن، ەكىنشى ورىن العاندار 150 مىڭ تەڭگە، ءۇشىنشى ورىن العاندار 100 مىڭ تەڭگەدەن الادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات