+7 (701) 759 90 19
-9 °С : نۇر-سۇلتان
-1 °С : الماتى
USD 380.19 EUR 419.01
RUB 6.08 CNY 54.81
جاڭالىقتار

دومبىرا، تۇمار، كيىم، ساعات: مەم قىزمەتشىلەرگە ءجيى بەرىلەتىن سىيلىقتار قانداي

12 جەلتوقسان 19:10
:ءبولىسۋ
دومبىرا، تۇمار، كيىم، ساعات: مەم قىزمەتشىلەرگە ءجيى بەرىلەتىن سىيلىقتار قانداي

نۇر- سۇلتان. قازاقپارات - ق ر سىبايلاس جەمقورلىققا قارسى ءىس- قيمىل اگەنتتىگىنىڭ سەرىكتەستىك دەپارتامەنتىنىڭ باس ساراپشىسى سىمبات يسراپۋلوۆا مەملەكەتتىك قىزمەتشىلەرگە ازاماتتاردىڭ ءجيى بەرەتىن سىيلىقتارىن اتادى، دەپ حابارلايدى قازاقپارات ءتىلشىسى.

«2019 -جىلى مەملەكەتتىك قىزمەتشىلەردىڭ ءوز ەركىمەن ارناۋلى مەملەكەتتىك قورعا وتكىزگەن سىيلىقتارىنىڭ باعاسى 683212 تەڭگەنى قۇرادى. «ەڭ كوپ تارالعان سىيلىقتار» ءتىزىمىن كوسمەتيكالىق سىيلىق جيىنتىقتارى، ازىق- تۇلىك ونىمدەرى باستايدى. بيىل سىيلىقتار اراسىندا مۋزىكالىق اسپاپ (دومبىرا)، تۇمار، ەرلەردىڭ مويىنوراعىشى، «اديداس» فيرماسىنىڭ سپورتتىق كوستيۋمى، «Tissot» قول ساعاتى، «Delphi» كورنيشوندارىمەن قاپتالعان ءزايتۇن، قىمبات الكوگول، ءتىپتى پيجاما دا كەزدەستى» ، - دەيدى سىمبات يسراپۋلوۆا اگەنتتىكتە وتكەن باسپا ءسوز ءماسليحاتىندا.

اگەنتتىك وكىلىنىڭ ايتۋىنشا، «العىستىڭ» كەڭ تارالعان تۇرلەرى - ۇيالى تەلەفون بالانسىن تولتىرۋ، 1000-2000 تەڭگە نومينالىمەن اقشالاي قاراجات تۇرىندە ماتەريالدىق سىياقى بەرۋ. جيىن بارىسىندا ازاماتتاردىڭ مەملەكەتتىك قىزمەتشىلەرگە «العىس ءبىلدىرۋىنىڭ» جەكەلەگەن مىسالدارى دا ايتىلدى.

«اقمولا وبلىسىندا ءبىر ازامات «قازپوشتا» ا ق پوشتا بايلانىسى ارقىلى كوكشەتاۋ قالالىق سوتىنا نەكە بۇزۋ تۋرالى ءىستى قاراۋدى جەدەلدەتۋ تۋرالى وتىنىشپەن حات سالىنعان كونۆەرتتى جانە نومينالى 2000 تەڭگە اقشا كۋپيۋراسىن جولداپ، ول ءۇشىن 353500 تەڭگە ايىپپۇل تۇرىندە اكىمشىلىك جاۋاپكەرشىلىككە تارتىلدى. سول سەكىلدى اقتوبە، قىزىلوردا، اتىراۋ جانە شىعىس قازاقستان وبلىستارىندا پروباتسيا قىزمەتىنىڭ ينسپەكتورلارىنا ۇيالى تەلەفون بالانسىن تولتىرۋ جانە اقشا كۋپيۋرالارىن بەرۋ ارقىلى زاڭسىز ماتەريالدىق سىياقى بەرۋ ءۇشىن پروباتسيالىق باقىلاۋدا تۇرعان 14 ازامات جالپى سوماسى 5858000 تەڭگەگە ايىپپۇل تۇرىندە اكىمشىلىك جاۋاپكەرشىلىككە تارتىلدى» ، - دەيدى ول.

ەسكە سالا كەتسەك، بۇعان دەيىن سىمبات يسراپۋلوۆا مەملەكەتتىك قىزمەتشىلەردىڭ زاڭدى بۇزىپ سىيلىق الۋ فاكتىلەرىن انىقتاۋ بويىنشا قوعامدىق مونيتورينگ جۇرگىزىلىپ جاتقانىن ءمالىم ەتكەن بولاتىن.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات