+7 (701) 759 90 19
-5 °С : نۇر-سۇلتان
8 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

تاۋەلسىزدىك الدىنداعى دەموگرافيالىق داعدارىستى ەڭسەردىك - مەملەكەت باسشىسى

12 جەلتوقسان 18:07
:ءبولىسۋ
تاۋەلسىزدىك الدىنداعى دەموگرافيالىق داعدارىستى ەڭسەردىك - مەملەكەت باسشىسى

نۇر- سۇلتان. قازاقپارات - تاۋەلسىزدىكتەن اسقان قۇندىلىق جوق، ونى قادىرلەۋ بارشامىزدىڭ قاسيەتتى بورىشىمىز. بۇل تۋرالى بۇگىن اقوردادا ءبىرقاتار ازاماتقا مەملەكەتتىك ناگرادالاردى تاپسىرۋ بارىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«تۇڭعىش رەت حالقىمىز ءوز تاعدىرىنا يە بولدى. بۇگىندە ازاماتتارىمىز ءوزىنىڭ جانە مەملەكەتىمىزدىڭ بولاشاعىنا نىق سەنىممەن قارايدى. ەلىمىز سان قيلى تاريح زۇلماتتارىن وتكەرىپ، ەڭسەسىن تىكتەدى. الەم قوعامداستىعىنا نىق قادام باستى. حالىق سانى 2 ميلليونعا كوبەيىپ، تاۋەلسىزدىك الدىنداعى دەموگرافيالىق داعدارىستى ەڭسەردىك. قازىر ءبىز 18,5 ميلليوننان استىق. مەملەكەتىمىزدىڭ دامۋ باعدارىن ءوزىمىز ايقىنداۋ مۇمكىندىگىن الدىق»، - دەدى ق. توقايەۆ.

مەملەكەت باسشىسى بۇگىندە ەلىمىزدىڭ جاڭعىرۋ ءۇردىسىن قازاقستان جولى دەپ ايتاتىندىعىنا نازار اۋدارتتى.

«وسىنداي اۋقىمدى وزگەرىستەرگە تۇڭعىش پرەزيدەنتىمىز نۇرسۇلتان نازاربايەۆ باستاماشى جانە كوشباسشى بولدى. جاھان جۇرتشىلىعى ەلباسىمىزدى الەمدىك دەڭگەيدەگى تاريحي تۇلعا رەتىندە مويىندادى. بارلىق سالادا تولايىم تابىسقا كەنەلدىك دەپ كۇمانسىز ايتۋعا بولادى. مۇنى بۇگىنگى بۋىن جانە كەلەر ۇرپاق باعالاۋى كەرەك. «بەينەت كورمەي داۋلەت جوق» دەپ حاكىم اباي ايتقانداي، ءبىز بۇعان وڭايلىقپەن جەتكەن جوقپىز. سوندىقتان بۇل مەرەكە بۇكىل حالقىمىزعا ورتاق تاۋبەنىڭ تويى، مارتەبەنىڭ مەرەكەسى. تاۋەلسىزدىكتەن اسقان قۇندىلىق جوق. ونى قادىرلەۋ بارشامىزدىڭ قاسيەتتى بورىشىمىز»، - دەدى قازاقستان پرەزيدەنتى.

اۆتور مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات