+7 (701) 759 90 19
-21 °С : نۇر-سۇلتان
-9 °С : الماتى
USD 420.79 EUR 511.98
RUB 5.67 CNY 64.46
جاڭالىقتار

حالىقتىڭ مۇددەسىنە ساي ساياسات جۇرگىزۋ وتە ماڭىزدى - توقايەۆ

12 جەلتوقسان 17:30
:ءبولىسۋ
حالىقتىڭ مۇددەسىنە ساي ساياسات جۇرگىزۋ وتە ماڭىزدى - توقايەۆ

نۇر- سۇلتان. قازاقپارات - مەملەكەتىمىزدى باقۋاتتى ەلگە اينالدىرىپ، ازاماتتاردىڭ تۇرمىس ساپاسىن جاقسارتۋ - ۇلتتىق ستراتەگيامىزدىڭ باستى ماقساتى.

بۇل تۋرالى بۇگىن اقوردادا ءبىرقاتار ازاماتقا مەملەكەتتىك ناگرادالاردى تاپسىرۋ بارىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«ءبىز تاۋەلسىزدىك جىلدارىندا جالپى ۇلتتىق بىرلىك رۋحىن كۇشەيتتىك. تورتكۇل دۇنيەدە بولىپ جاتقان وزگەرىستەرگە قاراساق، مۇنىڭ اسا ماڭىزدى ەكەنىن جاقسى تۇسىنەمىز. قازىرگى تاڭدا الەم قوعامداستىعى سوڭعى 50 جىلداعى ەڭ كۇردەلى سەنىم داعدارىسىن باستان وتكەرۋدە. بۇل - تۇراقتىلىق پەن ىنتىماققا قاۋىپ توندىرەتىن ءۇردىس»، - دەدى مەملەكەت باسشىسى.

ق ر پرەزيدەنتى ازاماتتار مەن مەملەكەت ينستيتۋتتارى اراسىنداعى قاراما- قايشىلىقتار دا ۋشىعىپ تۇرعاندىعىنا باسا نازار اۋدارتتى.

«كۇللى الەم جۇرتشىلىعى تۇرمىس ساپاسىن جاقسارتۋدى، تەڭ مۇمكىندىكتەر بەرۋدى جانە مەملەكەتتىڭ اشىقتىعىن تالاپ ەتۋدە. قازاقستان - وسى الەمنىڭ ءبىر بولىگى. سوندىقتان بۇل ماسەلەلەردىڭ ءبىزدىڭ ەلىمىزگە دە قاتىسى بار. وسىنداي جاعدايدا جالعان ۇراندارعا سەنگەن ەلدىڭ بەرەكە- بىرلىكتەن ايىرىلعانىنا كۋا بولىپ وتىرمىز. سوندىقتان جاعىمسىز ارەكەتتەرگە دەر كەزىندە نازار اۋدارىپ، حالىقتىڭ مۇددەسىنە ساي ساياسات جۇرگىزۋ وتە ماڭىزدى»، - دەدى قازاقستان پرەزيدەنتى.

قاسىم- جومارت توقايەۆ ەڭ الدىمەن ەلىمىزدىڭ تۇعىرى ءارقاشان مىقتى بولۋى كەرەكتىگىن باسا ايتتى.

«ال، بۇل حالقىمىزدىڭ تاتۋلىعىنا بايلانىستى. بىرلىك بار جەردە تىرلىك بار. مەملەكەتىمىزدى باقۋاتتى ەلگە اينالدىرىپ، ازاماتتاردىڭ تۇرمىس ساپاسىن جاقسارتۋ - ۇلتتىق ستراتەگيامىزدىڭ باستى ماقساتى»، - دەدى مەملەكەت باسشىسى.

اۆتور مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات