+7 (701) 759 90 19
-19 °С : نۇر-سۇلتان
-7 °С : الماتى
USD 380.84 EUR 419.50
RUB 6.05 CNY 54.90
جاڭالىقتار

ءاربىر شەنەۋنىك حالىق ءۇشىن جۇمىس ىستەيتىنىمىزدى ۇمىتپاۋى كەرەك – ق ر پرەزيدەنتى

12 جەلتوقسان 15:50
:ءبولىسۋ
ءاربىر شەنەۋنىك حالىق ءۇشىن جۇمىس ىستەيتىنىمىزدى ۇمىتپاۋى كەرەك – ق ر پرەزيدەنتى

نۇر- سۇلتان. قازاقپارات - ءاربىر شەنەۋنىك حالىق ءۇشىن جۇمىس ىستەيتىندىگىمىزدى ەستە ۇستاۋى ءتيىس.

بۇل تۋرالى بۇگىن اقوردادا ءبىرقاتار ازاماتقا مەملەكەتتىك ناگرادالاردى تاپسىرۋ بارىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«ءبىز بيۋدجەت قىزمەتكەرلەرىنىڭ ەڭبەكاقىسىن بىرتىندەپ ارتتىرىپ كەلەمىز. بۇل ۇستازدار قاۋىمىنا، دارىگەرلەرگە جانە مادەنيەت سالاسى ماماندارىنا قاتىستى. مىسالى، كەلەسى جىلدان باستاپ مۇعالىمدەردىڭ جالاقىسى 25 پايىزعا وسەدى، ال جالپى 4 جىل ىشىندە ولاردىڭ جالاقىسى 2 ەسەگە ارتادى. كوپبالالى وتباسىلار، زەينەتكەرلەر، مۇمكىندىگى شەكتەۋلى جاندار ءاردايىم مەملەكەتتىڭ قامقورلىعىندا بولادى. ءبىز الەۋمەتتىك مەملەكەت ەكەنىمىزدى ەشقاشان ەستەن شىعارمايمىز»، - دەدى قازاقستان پرەزيدەنتى.

مەملەكەت باسشىسىنىڭ اتاپ وتۋىنشە، وزگەگە قولداۋ كورسەتىپ، قول ۇشىن بەرۋ، كومەكتەسۋ - حالقىمىزدىڭ قانىنا سىڭگەن قاسيەت. بۇل - ءبىزدىڭ ۇلتتىق كودىمىزدا بار نارسە.

«ءاربىر شەنەۋنىك ءبىزدىڭ حالىقتىڭ بولشەگى ەكەندىگىمىزدى، حالىق ءۇشىن جانە حالىقتىڭ اراسىندا جۇمىس ىستەيتىندىگىمىزدى ەستە ۇستاۋى ءتيىس. ەستيتىن مەملەكەت - بۇل بيۋروكراتيانىڭ ەڭ ناشار كورىنىستەرىنىڭ دە بولماۋى جانە سيفرلاندىرۋ نەگىزىندە بارلىق پروتسەدۋرالاردىڭ اشىقتىعى. مەملەكەتتىك بيلىك جۇيەسىنە باسقارۋشىلاردىڭ جاڭا تولقىنىن تارتۋ قاجەت»، - دەدى قاسىم- جومارت توقايەۆ.

قاسىم- جومارت كەمەل ۇلى بۇل باعىتتا العاشقى قادامنىڭ جاسالىپ، پرەزيدەنتتىك جاستار كادر رەزەرۆى جاساقتالىپ جاتقانىن ەسكە سالدى.

«جاس كاسىبي ماماندار مەملەكەتتىك باسقارۋ جۇيەسىنىڭ جاۋاپتى ۋچاسكەلەرىنە جىبەرىلەدى»، - دەدى مەملەكەت باسشىسى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات