نۇر- سۇلتاندا دەنيس تەندى ەسكە الۋعا ارنالعان مۇز شوۋى وتەدى

None
None
نۇر- سۇلتان. قازاقپارات – 14- جەلتوقساندا نۇر- سۇلتاندا وليمپيادا ويىندارىنىڭ قولا جۇلدەگەرى، مانەرلەپ سىرعاناۋشى دەنيس تەندى ەسكە الۋعا ارنالعان مۇز شوۋى وتەدى، دەپ حابارلايدى Olympic.kz.

مۇز ايدىنداعى شوۋدا اتاقتى مانەرلەپ سىرعاناۋشىلار مەن دەنيستىڭ دوستارى ونەر كورسەتەدى. اتاپ ايتقاندا، تاتيانا ۆولوساجار مەن ماكسيم ترانكوۆ، كەيتلين ۋيۆەر مەن ەندريۋ پوجە، دجەرەمي ەببوتت، ەكاتەرينا گوردەيەۆا جانە تاعى دا باسقالار.

باعدارلاما ماقساتى - قازاقستانداعى مانەرلەپ سىرعاناۋ سپورتىن دامىتۋ، ەلىمىزدەگى ءتۋريزمدى، باسقا دا ەلدەرمەن ىنتىماقتاستىقتى دامىتۋ. مۇز شوۋى ەلورداداعى «بارىس ارەنا» سپورت كەشەنىندە ساعات 18:30 دا باستالادى.

سوڭعى جاڭالىقتار