قاسىم- جومارت توقايەۆ: ازاماتتاردى باسپانامەن قامتۋ ءۇشىن قوسىمشا شارالار قابىلدانادى

None
None
 نۇر- سۇلتان. قازاقپارات - باسپانامەن قامتۋ - بۇل مەملەكەتتىڭ الەۋمەتتىك ساياساتىنىڭ باسىمدىعى. بۇل تۋرالى بۇگىن اقوردادا ءبىرقاتار ازاماتقا مەملەكەتتىك ناگرادالاردى تاپسىرۋ بارىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«ءبىزدىڭ باستى مىندەتىمىز - ءار ازاماتتىڭ تۇرمىس ساپاسىن ارتتىرۋ. سوندىقتان مەملەكەت الەۋمەتتىك مىندەتتەمەلەردى ورىنداۋعا باسا ءمان بەرىپ وتىر. وسى ماقساتتا ەلىمىزدە تۇرعىن ءۇي قۇرىلىسى قارقىندى جۇرگىزىلۋدە. حالىقتى قولجەتىمدى باسپانامەن قامتۋ ءۇشىن كوپتەگەن جەڭىلدىكتەر جاسالىپ جاتىر. ادامداردىڭ قاراپايىم تۇتىنۋدان جيناقتاۋعا كوشۋ قاجەتتىگىن ءتۇسىنۋى ماڭىزدى» ، - دەدى مەملەكەت باسشىسى.

ق ر پرەزيدەنتىنىڭ دەرەگىنشە، بۇگىنگى كۇنى «تۇرعىن ءۇي قۇرىلىس جيناق بانكىندە» 1,5 ميلليون ەسەپشوت اشىلعان. اكىمدىكتەردە باسپانا كەزەگىندە تۇرعان 526 مىڭ ادامنىڭ شامامەن 200 مىڭى بانكتە قاراجات جيناي باستادى. ۇرپاعىنىڭ كەلەشەگىنە بەي- جاي قارامايتىن اتا- انالار 180 مىڭ بالانىڭ دەپوزيتىن اشقان.

«بيىل از قامتىلعان 4 مىڭ وتباسى جىلدىق 2 پايىزدىق مولشەرلەمەمەن «باقىتتى وتباسى«باعدارلاماسىنىڭ ارقاسىندا قونىس تويىن تويلادى. ءبىراق، بۇل ارينە جەتكىلىكسىز. قازىر ءوزىن- ءوزى جۇباتاتىن ۋاقىت ەمەس. باسپاناعا قاتىستى جاعدايدا تۇبەگەيلى وزگەرتۋ كەرەك. بۇل ماسەلە ءبىزدىڭ باستى نازارىمىزدا بولا بەرەدى. باسپانامەن قامتۋ - بۇل مەملەكەتتىڭ الەۋمەتتىك ساياساتىنىڭ باسىمدىعى. سوندىقتان جاقىن ارادا قوسىمشا شارالار قولدانىلاتىن بولادى»، - دەدى قاسىم- جومارت توقايەۆ.

مەملەكەت باسشىسىنىڭ ايتۋىنشا، قازىرگى ۋاقىتتا ۇكىمەت «باقىتتى وتباسى» باعدارلاماسىن بارلىق كەزەكتە تۇرعاندارعا قولدانۋ ماسەلەسىن پىسىقتاپ جاتىر.

«مەن ۇكىمەتكە 2020 -جىلعا دەيىن بۇل باعدارلامانى كەڭەيتۋگە تاپسىرما بەردىم. باسقا سوزبەن ايتار بولساق، ءبىزدىڭ ازاماتتارمىزدىڭ باسپانامەن قامتاماسىز ەتىلۋ پروبلەماسىنا ءبىرىنشى كەزەكتە نازار اۋدارىلادى. مەنىڭشە، بۇل جۇمىستاردىڭ اۋىلى الىس ەمەس» ، - دەدى قازاقستان پرەزيدەنتى.

سوڭعى جاڭالىقتار