جاڭا جىلدىق وتشاشۋ قورشاعان ورتاعا زيان با
بۇل تۋرالى بۇگىن الماتى ت ج د وتكىزگەن بريفينگ بارىسىندا «قازساليۋت» ج ش س باس مەنەدجەرى نۇرلان قازبەكوۆ ايتتى، دەپ حابارلايدى قازاقپارات ءتىلشىسى.
«قورشاعان ورتاعا قانداي اسەر ەتۋى مۇمكىن؟ پيرروتەحنيكالىق بۇيىمدار - حيميا جانە ونىڭ قۇرامىندا بەلسەندى حيميالىق ەلەمەنتتەر بار. الايدا، ولاردىڭ كولەمى قاۋىپسىز. وتشاشۋ بولعاندا پايدا بولاتىن كوك ءتۇس - مىس، اق ءتۇس - سترونسي. ولار اۋاعا اتىلعاندا تۇگەل جانىپ كەتەدى دە، قورشاعان ورتاعا زيان كەلتىرمەيدى. ەڭ باستىسى پيروتەحنيكالىق بۇيىمدار دۇرىس جويىلعانى ابزال»، - دەدى قازبەكوۆ نۇرلان.
ماماننىڭ ايتۋىنشا، پايدالانىلعان پيروتەحنيكالىق بۇيىمداردى اتقان سوڭ شاشىپ قالدىرىپ كەتپەي، ولاردى دۇرىس جويۋ كەرەك.
«بۇل بۇيىمدار الماتى وبلىسىنداعى قاپشاعاي قالاسىندا ورنالاسقان ارنايى پوليگوندا جويىلادى. ولاردى جويۋمەن «قازاق جارىلىس ءوندىرىسى» كومپانياسى اينالىسادى»، - دەدى نۇرلان قازبەكوۆ.
اۆتور: گۇلميرا عوسمانالي